2019/08/19
Америк доллар
МОНГОЛ БАНК:
2,672.87₮
B30
УЛААНБААТАР
18°
|
10°
B30
УЛААНБААТАР
18°
|
10°
B30
УЛААНБААТАР
20°
|
20:00
S29
13°
21:00
S29
12°
22:00
S29
12°
23:00
S29
11°
00:00
S29
10°
01:00
S29
10°
02:00
S29
10°
03:00
S29
04:00
S29
05:00
S26
06:00
S26
07:00
S26
Энэ мэдээ хуучирсан буюу 2019/03/05 -нд нийтлэгдсэн мэдээ болно.

БНСУ-ын виз мэдүүлж буй монгол иргэдийн материалыг шалгах хугацааг сунгажээ

ikon.mn
2019 оны 3 сарын 5
iKon.MN

БНСУ-ын Элчин сайдын яаманд өдөрт 700-800 хүн виз мэдүүлж байгаа юм байна. Тиймээс виз мэдүүлж буй монгол иргэдийн материалыг хамгийн багадаа 50 өдөр болон түүнээс дээш хугацаанд шалгах болсныг тус Элчин сайдын яамнаас өчигдөр мэдэгдлээ.

Мэдэгдэл бүрэн эхээрээ:

БНСУ-ын визийн материал шалгах хугацаа хойшлогдож байгааг мэдэгдье

  1. Сүүлийн үед БНСУ-аас Монгол Улсад суугаа элчин сайдын яаманд виз мэдүүлж буй иргэдийн тоо өдөрт дунджаар 700-800 орчим байгаа бөгөөд мөн үүнийг даган Солонгос улсын хилээр нэвтэрсэн иргэд дунд сар бүр дунджаар 500 орчим иргэн хууль бусаар оршин суухаар үлдэж байгаатай холбогдуулан визний материалыг илүү нарийвчилан шалгах шаардлага тулгарч байна. Үүнтэй холбогдуулан өнгөрсөн хугацаанд ЭСЯ-ны ажилтнууд илүү цагаар ажиллаж ирсэн боловч их хэмжээгээр хуримтлагдсан байгаа материалууд, цаашид виз мэдүүлж буй Монгол иргэдийн материалыг хамгийн багадаа 50 өдөр (ажлын өдөр, 10 долоо хоног) болон түүнээс дээш хугацаа зарцуулан шалгах болсныг мэдэгдэж байна.

    Гагцхүү хүндэтгэх шалтгааны улмаас(Солонгос улсад яаралтай хагалгаанд орох эсвэл олон улсын арга хэмжээнд оролцох) яаралтай виз авах хүсэлтэй байгаа тохиолдолд төлөөлөн гүйцэтгэх байгууллагад материалаа бүртгүүлэхдээ “яаралтай виз гаргах хүсэлт” бөглөж өгөх боломжтой бөгөөд нөхцөл байдлаас хамааран хариуг олгох болно.
  2. Мөн сүүлийн үед виз мэдүүлсэн иргэдийн 20-25% нь визний брокеруудаар дамжуулан хуурамч бичиг баримт бүрдүүлэн өгч байгаа бөгөөд ялангуяа олон удаагийн виз авч өгөх нэрийдлээр 6 саяаас 8 сая төгрөг авдаг залилангийн хэрэг их хэмжээгээр илэрч байна. Энэ нь БНСУ болон Монгол Улсын хуулийг зөрчиж буй хэрэг тул үүнтэй хатуу тэмцэх болсныг мэдэгдэж байна. Хуурамч бичиг баримт бүрдүүлсэн тохиолдолд Монгол Улсын хуулийн байгууллагад хандан зохих арга хэмжээг авах болно.
    ЭСЯ-ны зүгээс мөн адил 1 жил болон түүнээс дээш хугацаагүйгээр Солонгос улсад нэвтрэх эрхийг хаах арга хэмжээ авах тул виз мэдүүлэгчид нь хууль бус үйл ажиллагаанд оролцохгүй байх, мөн хууль бус үйлдэл олж илрүүлсэн тохиолдолд яаралтай мэдэгдэхийг хүсэж байна.

Хууль бус үйлдлийн жишээ

  • Нийгмийн даатгалын системийн мэдээллийг өөрчилж нийгмийн даатгалын шимтгэл төлөлтийн лавлагааг өөрийн мэт хуурамчаар үйлдэж виз мэдүүлэх
  • Олон удаагийн виз авахын тулд визний брокер болон залилангийн гэмт этгээдүүдэд хандаж системийг өөрчилж, нийгмийн даатгалын татвар төлөлтийн тодорхойлолтыг өөрийн мэт хуурамчаар үйлдэж виз мэдүүлэх
  • Оюутан биш хүн их хэмжээний мөнгө өгөн сургуульд суралцсан түүх хуурамчаар үйлдэж хэлний бэлтгэл сургалтын виз мэдүүлэх
  • Олон удаагийн виз авсан иргэнтэй хуурамчаар гэрлэлтийн бичиг баримт үйлдэж гэрлэсэн мэтээр тохиролцон олон удаагийн виз мэдүүлэх
  • БНСУ-ын таньж мэдэх ойр дотны хүмүүс мөн БНСУ-ын ЭСЯ-д таньдаг хүнтэй виз амархан авч болно гэх мэтээр ярьж мөнгө аван виз мэдүүлсний дараа холбогдохгүй алга болох

Хууль бус үйлдлээс үүсэх сөрөг нөлөө

  • Нийгмийн даатгалын шимтгэл төлөлтийн лавлагаа, татвар төлөлтийн тодорхойлолт, гэрлэлтийн лавлагаа, сургалтын визийн бичиг баримт зэрэг бичиг баримтын шалгалтыг нарийвчлан хийхээс өөр аргагүй нөхцөл байдал үүсээд байна. Үүнээс үүдэн визний материалаа үнэн зөв бүрдүүлэн мэдүүлж буй бусад иргэдийн материал шалгалт болон виз олгох хугацааг уртасгаж байна.

БНСУ-ын элчин сайдын яам нь Монгол иргэдийн мэдүүлсэн визийн хүсэлтийг хурдан шуурхай шийдвэрлэхийн тулд бүх хүчээ дайчлан ажиллаж байгаа боловч дээрх нөхцөл байдлаас үүдэн материал шалгалт болон виз олголтын хугацаа хойшлон хугацаанаасаа хоцрох асуудал үүссээр байна. Энэхүү үүсээд байгаа нөхцөл байдалд харамсаж байгаа ба цаашид хурдан шуурхай асуудлыг шийдвэрлэхийн тулд хичээн ажиллах болно.

 

Эх сурвалж: БНСУ-аас Монгол Улсад суугаа ЭСЯ

x