2019/09/15
Америк доллар
МОНГОЛ БАНК:
2,670.87₮
B30
УЛААНБААТАР
12°
|
B30
УЛААНБААТАР
16°
|
B30
УЛААНБААТАР
13°
|
21:00
S31
22:00
S31
23:00
S31
00:00
S31
01:00
S31
02:00
S29
03:00
S29
04:00
S29
05:00
S29
06:00
S29
07:00
S30
08:00
S30
Энэ мэдээ хуучирсан буюу 2019/02/27 -нд нийтлэгдсэн мэдээ болно.

Дэлхийд мэндэлсэн хамгийн бяцхан хүү гэртээ харьжээ

Э.Сэмүүн, ikon.mn
2019 оны 2 сарын 27
iKon.MN

Энэ ертөнцөд эхээс мэндлэхдээ дөнгөж 268 грамм жинтэй байсан хүүг өсгөж томруулан 3,238 грамм жинтэй болгоод эмнэлгээс гаргаснаа Токиогийн Кэйо их сургууль өчигдөр зарлажээ.

Ингэснээр энэ хүү хамгийн бага жинтэй төрөөд эсэн мэнд үлдсэн нярай болж дэлхийд бүртгэгдэж байгаа юм байна.

Өмнө нь бүртгэгдсэн хамгийн бага жингийн эзэн нь 2009 онд Германд төрөхдөө 274 грамм жинтэй байсан хүү ажээ. АНУ-ын Айовагийн их сургууль дэлхий дахинд мэндэлсэн хамгийн бага жинтэй хүүхдүүдийг бүртгэдэг юм байна.

Дэлхийд хамгийн бага жинтэй төрсөн охиноор 2015 онд Германд 252 грамм жинтэй төрсөн нярай бүртгэгджээ.

Тус бүртгэлд одоогоор 300 граммаас бага жинтэй дутуу төрөөд хэвийн хэмжээнд хүртлээ бойжиж чадсан 23 хүүхдийг бүртгэсэн байдаг. Тэдгээрийн дөрөв нь хүү юм байна.

Токиогийн бяцхан хүүг өнгөрсөн оны наймдугаар сард кесарево хагалгаагаар төрүүлж байсан гэнэ. 24 долоо хоногийн турш ургийн бие өсөж томроогүй тул эмч нар амийг нь аврахын тулд ийм шийдвэр гаргаж байжээ.

1,000 грамм хүрэхгүй жинтэй төрсөн хүүхдүүдийн эсэн мэнд үлдэх магадлал Японд 90 хувьтай байдаг бол 300 грамм хүрэхгүй жинтэй нярайн хувьд маш бага байдаг гэнэ. Ялангуяа эрэгтэй хүүхдүүдийн хувьд хүн болох магадлал илүү бага байдаг ажээ.

Токиогийн бяцхан хүү өнгөрсөн долоо хоногийн Лхагва гарагт эмнэлгээс гэртээ харьсан байна.

 

Эх сурвалж: Kyodo News

 

x