2019/12/15
Америк доллар
МОНГОЛ БАНК:
2,726.12₮
B30
УЛААНБААТАР
-6°
|
-15°
B30
УЛААНБААТАР
-12°
|
-17°
B30
УЛААНБААТАР
-15°
|
-22°
18:00
S26
-7°
19:00
S26
-8°
20:00
S26
-9°
21:00
S26
-9°
22:00
S26
-9°
23:00
S26
-9°
00:00
S26
-9°
01:00
S26
-10°
02:00
S26
-10°
03:00
S26
-11°
04:00
S26
-11°
05:00
S26
-12°
Энэ мэдээ хуучирсан буюу 2019/02/19 -нд нийтлэгдсэн мэдээ болно.

БНХАУ-ын "Хориотой хот" 94 жилийн дараа олон нийтэд шөнийн цагаар нээлттэй болох нь

А.Намуун, iKon.mn
2019 оны 2 сарын 19
iKon.MN

БНХАУ-ын нийслэл Бээжин хот дахь хааны ордон буюу бидний нэрлэж заншсанаар "Хориотой хот" нь 94 жилийн дараа анх удаа оройн цагаар, хоёр хоногийн турш олон нийтэд нээлттэй ажиллахаар болжээ.

Энэ сарын 19-20-нд хятадууд Цагаан сарын баярын өдрүүдийн төгсгөл болон хаврын улирал ирж буйг тэмдэглэж, Бээжингийн Гэрэлт дэнлүүний баярыг тэмдэглэх бөгөөд энэ үеэр хааны ордныг оройн цагаар олон түмэнд ийнхүү нээлттэй болгож буй юм.

"Хориотой хот" нь бусад өдөр, өвлийн улиралд 16:30, зуны улиралд 17:00 цагаас хаалгаа барьдаг аж. Өнөөдрийг хүртэл энэхүү хааны ордныг оройн цагаар зөвхөн БНХАУ-ын хүндтэй, төрийн дээд албан тушаалтан болон цөөн тооны гадны хүндэт зочдод үзүүлж иржээ. Тухайлбал, АНУ-ын Ерөнхийлөгч Дональд Трамп 2017 онд тус ордонд зочилж байв.

 

БНХАУ-ын "Хориотой хот" нь 1420 онд баригдаж дууссан түүхтэй бөгөөд тэр үеэс Хятадын үе үеийн хаадын гэр болон засаг төрийн хамгийн гол төвд тооцогдох болжээ. Түүнчлэн тус ордонд хаврын улирлыг угтаж, Гэрэлт дэнлүүний баярыг зохион байгуулах болсон түүхтэй аж. 

"Хориотой хот"-ыг 1925 оноос ордон музей болгон үйл ажиллагаа явуулж буй. Ингэснээр жилд ойролцоогоор 16.7 сая гаруй хүн зочилдог бөгөөд өдөрт 80 мянга хүртэлх хүн хүлээн авдаг байна. Энэ жилийн баярын тухайд зохион байгуулагчид уламжлалт цаасан гэрэлт дэнлүү, зул ашиглахаас илүүтэй техник технологитой хослуулан LED гэрлийн янз бүрийн үзүүлбэр толилуулахаар бэлтгэсэн талаар тус улсын эх сурвалжууд мэдээлэв.

 

 

Эх сурвалж: CNN

x