“Монголын Цагаан сар Капитол Хилл-д” арга хэмжээнд ЕТГ-ын дарга З.Энхболд, Элчин сайд Ё.Отгонбаяр, Б.Намуун нар оролцов

Монгол Улсаас АНУ-д суугаа ЭСЯ, АНУ-ын Конгресс дахь Монголын бүлэг хамтран “Монголын Цагаан сар Капитол Хилл-д” арга хэмжээг 2019 оны 2 дугаар сарын 5-ны өдөр Конгрессын байранд болжээ

Анх удаа зохион байгуулж буй уг арга хэмжээнд Цагаан ордон, Конгресс, Төрийн Департамент, Батлан хамгаалах яам, Худалдааны яамны төлөөлөл болон Монголыг дэмжиж хамтран ажилладаг 200 гаруй хүн оролцсон байна.

 

Монгол Улсын Ерөнхийлөгчийн Тамгын газрын дарга З.Энхболд, Монгол Улсаас АНУ-д суугаа Элчин сайд Ё.Отгонбаяр, “Намуун хүүхдийн сан”-гийн тэргүүн Б.Намуун, АНУ-ын Конгрессын Төлөөлөгчдийн танхимын гишүүн Тэд Ёохо нар үг хэлэв.

 

Цаашид жил бүрийн Цагаан сараар уламжлал болгон зохион байгуулах энэхүү хүлээн авалт нь АНУ-ын Конгресст Монгол Улсыг сурталчлах, ингэснээрээ Конгрессоор хэлэлцэхээр төлөвлөж буй “Гуравдагч хөршийн худалдааны хууль”-ийг батлуулахад тус нэмэр болох ач холбогдолтой юм.

Эх сурвалж: Гадаад Харилцааны Яам