2019/12/06
Америк доллар
МОНГОЛ БАНК:
2,720.52₮
B30
УЛААНБААТАР
-8°
|
-21°
B30
УЛААНБААТАР
-6°
|
-18°
B30
УЛААНБААТАР
-7°
|
-16°
18:00
S31
-13°
19:00
S31
-14°
20:00
S31
-15°
21:00
S31
-15°
22:00
S31
-15°
23:00
S31
-15°
00:00
S31
-15°
01:00
S31
-16°
02:00
S31
-16°
03:00
S31
-16°
04:00
S31
-16°
05:00
S31
-16°
Энэ мэдээ хуучирсан буюу 2019/02/11 -нд нийтлэгдсэн мэдээ болно.

Унгар улс дөрөв ба түүнээс дээш хүүхэдтэй эхчүүдийг татвараас чөлөөлнө

Э.Сэмүүн, ikon.mn
2019 оны 2 сарын 11
iKon.MN

Унгарын популист ерөнхий сайд Виктор Орбан хүн амынхаа тоог нэмэгдүүлэхийн тулд дөрөв ба түүнээс дээш хүүхэдтэй эхчүүдээс орлогын татвар авахгүй болно гэж амлажээ.

Цагаачлалын эсрэг үзлээ хамгийн ил тод илэрхийлдэг Европын удирдагчдын нэг болох Орбан засгийн газрын зүгээс хэрэгжүүлэх хэд хэдэн бодлогыг Ням гарагт танилцуулсан юм.

Тэрээр Унгарт муслим цагаачдыг хүлээн авалгүйгээр хүн амаа өсгөх нь хамгийн зөв алхам гэж үзэж байна.

“Европ даяар хүүхэд төрүүлэх нь багассаар байгаагийн улмаас гаднаас цагаачдыг ихээр авдаг болоод байна. Тэдгээр орнууд хүн амын хомсдлоо цагаачдаар нөхөж байна. Харин Унгарчууд бид өөр замаар явах болно. Цагаачдыг хүлээн авахын оронд бид олон хүүхэд төрүүлж, хүн амаа нэмэгдүүлэх хэрэгтэй” гэж тэр ард түмэндээ хандаж уриалжээ.

Виктор Орбаны нам өнгөрсөн оны сонгуульд гурав дахь удаагаа дараалан ялсан юм. Тэрээр Унгарт төрсөн Америкийн тэрбумтан Жорж Соросыг цагаачлалыг дэмжих замаар Европын сүйрүүлэхийг зорьдог хүн гэж байнга шүүмжилдэг.

Орбан өчигдөр хэлэхдээ Европ тив түүхэн салаа замын эхэнд ирээд байгааг онцолжээ. Нэг бол Христийн соёл иргэншлээ хадгалж үлдэх, үгүй бол цагаачдыг нэвтрүүлснээр “холимог соёл иргэншил”-тэй болох хоёр замын уулзварт ирээд байгаа гэнэ.

Хэрвээ муслим цагаачдын урсгалыг үргэлжлүүлбэл ойрын ирээдүйд уугуул Европчууд хүн амын цөөнх болох нь гарцаагүй гэж Орбан хэлжээ.

Тэр Унгарын хүн амыг өсгөхийн тулд дөрөв болон түүнээс дээш хүүхэдтэй эхчүүдийг насан туршид нь татвараас чөлөөлөх, олон хүүхэдтэй айл өрхүүдэд моргэйжийн зээлийн таатай нөхцөл бий болгох, автомашин худалдаж авахад нь дэмжлэг үзүүлэх, цэцэрлэг, хүүхэд асрах газруудыг олноор бий болгох зэрэг ажлуудыг хийж гүйцэтгэхээ амлажээ.

 

Эх сурвалж: The Guardian

 

x