2019/09/15
Америк доллар
МОНГОЛ БАНК:
2,670.87₮
B30
УЛААНБААТАР
12°
|
B30
УЛААНБААТАР
16°
|
B30
УЛААНБААТАР
13°
|
20:00
S31
21:00
S31
22:00
S31
23:00
S31
00:00
S31
01:00
S31
02:00
S29
03:00
S29
04:00
S29
05:00
S29
06:00
S29
07:00
S30
Энэ мэдээ хуучирсан буюу 2019/02/01 -нд нийтлэгдсэн мэдээ болно.

Орон сууцны орцонд орж ирсэн шар шувууг байгальд нь буцаан тавилаа

С.Бадрал, iKon.mn
2019 оны 2 сарын 1
iKon.MN
 

2019 оны 01 дүгээр сарын 31-ний өдөр нийслэлийн Шуурхай удирдлагын төвийн 310005 тоот утсанд Хан-Уул дүүргийн 15 дугаар хороо 25 дугаар байрны орцонд шувуу байна гэсэн иргэний мэдээллийн дагуу нийслэлийн Байгаль орчны газраас газар дээр нь очиход тус байранд шар шувуу байсан тул барьж, анхан шатны үзлэг хийхэд ямар нэгэн өвчин эмгэггүй, анзаарагдах гэмтэл бэртэл байгаагүй тул байгальд нь эргүүлэн тавилаа.

 

Уг шувуу нь Монгол орны хэмжээнд түгээмэл тархсан, ихэнх нь ганцаар амьдардаг шөнийн идэвхтэй шувууны тоонд багтдаг. Шар шувуу нь жижиг мэрэгч, хөхтөн бусад шувуу бөгөөд загасаар хүртэл хооллодог, нүд нь ухархайтайгаа наалдан бэхлэгдсэн байдаг тул нүдний аягаа хөдөлгөж чадахгүй, толгойгоо 180-270 градус хүртэл хөдөлгөж эргэн тойрноо хардаг бөгөөд холын хараа сайтай ч ойр орчмоо тод ялгаж харж чаддаггүй, өчүүхэн төдий гэрэлд ч маш мэдрэмтгий шувуу юм. Хамгийн жижиг төрөл нь 31 гр жинтэй, 13.5 см байх бол томдоо 60-71см, 2 м хүртэл далавчтай, 4.5 кг хүртэл жинтэй байдаг байна.

Шар шувууны өндөг нь голдуу цагаан өнгөтэй, бөөрөнхий хэлбэртэй, төрлөөсөө шалтгаалан жил бүр 2-12 ширхэг хүртэл өндөг гаргадаг байна.

Мэдээлэл өгсөн Хан-Уул дүүргийн 15 дугаар хорооны иргэн А.Одмаад талархал илэрхийлж, байгалийн зэрлэг амьтдыг суурьшлын бүсэд орж ирсэн үед нь нийслэлийн Байгаль орчны газрын 11-323780 тоот утас болон нийслэлийн Шуурхай удирдлагын төвийн утсанд мэдэгдэж байхыг уриалж байна.

 

Эх сурвалж: Нийслэлийн Байгаль орчны газар

x