МАН-ын генсект төрийн албыг наймаалцсан гэх асуудлаар хэрэг үүсгэжээ

Зургийг www.mpa.mn

Монгол Ардын Намын Ерөнхий нарийн бичгийн дарга Д.Амарбаясгалантай холбоотой асуудлаар Авлигатай Тэмцэх Газарт хэрэг бүртгэлийн хэрэг нээж, шалгаж эхэлсэн байна. 

Тодруулбал, МАН-ын генсек Д.Амарбаясгалан нэгэн иргэнийг төрийн албанд ажилд оруулж өгнө хэмээн 60 сая төгрөг авсан хэмээн тухайн иргэн АТГ-т гомдол гаргасныг албаны эх сурвалж баталла​а.

Иргэний гомдлын дагуу энэ асуудлаар хэрэг бүртгэлийн хэрэг нээж, шалгаж байгаа ажээ.

Энэ хэргийн талаар Д.Амарбаясгалангаас өөрөөс нь тодруулах гэсэн боловч түүнийг гадаадад явж байгаа гэсэн мэдээллийг МАН-аас өглөө.