2020/06/01
Америк доллар
МОНГОЛ БАНК:
2,805.97₮
B30
УЛААНБААТАР
20°
|
B30
УЛААНБААТАР
13°
|
B30
УЛААНБААТАР
17°
|
21:00
S26
15°
22:00
S29
13°
23:00
S29
12°
00:00
S29
11°
01:00
S29
12°
02:00
S29
11°
03:00
S29
10°
04:00
S29
05:00
S29
06:00
S30
07:00
S30
08:00
S30
Энэ мэдээ хуучирсан буюу 2019/01/28 -нд нийтлэгдсэн мэдээ болно.

Монгол аваргуудын эзгүйд монгол сэкиваке шинэ оны эхний барилдаанд түрүүллээ

Э.Сэмүүн, ikon.mn
2019 оны 1 сарын 28
iKon.MN
Зураг

Японы мэргэжлийн сүмо бөхийн нэгдүгээр сарын барилдаан өчигдөр дуусахад Монголоос барилдаж байгаа сэкиваке Тамаваши 13 ялалттайгаар түрүүлж, эзэн хааны цомыг анх удаагаа хүртлээ.

Ингэснээр 34 настай Тамаваши Ичиро буюу Батжаргалын Мөнх-Оргил нь сүмогийн барилдаан жилд зургаан удаа зохиогддог болсон 1958 оноос хойш хамгийн өндөр настайдаа анх удаа түрүүлсэн хоёр дахь бөх болж байна.

Түүний өмнө 2012 оны тавдугаар сарын барилдаанд 37 настайдаа анх удаа түрүүлж байсан нутаг нэгт Кёкүтэнхо Цэвэгням орж байгаа юм.

Тамаваши дээд зиндаанд өмнө нь 15 удаа таарахдаа 9 ялж байсан магешира Эндог өчигдөр ялснаар түрүүлэх болзол хангасан байна.

Өчигдөр өглөө Тамавашигийн гэргий хүү төрүүлсэн мэдээ ирж, баяр дээр баяр нэмжээ.

Шинэ оны эхний барилдаанд ёкозуна Хакухо 13 дахь өдрөө дараалан гурав унасан тул тэмцээнийг орхисон. Монголын нөгөө нэг ёкозуна Какурю гэмтлийн улмаас тэмцээнийг орхиж, Японы ёкозуна Кисеносато тэмцээний эхэнд зодог тайлсан тул энэ удаа дээд цолтнуудаас ганц ч хүн үлдээгүй юм.

Энэ боломжийг ашиглан анх удаагаа түрүүлж чадсан Тамаваши Мөнх-Оргил бас дайчин барилдааны канто-шо шагналыг хүртсэн байна.

 

Эх сурвалж: Kyodo News

 




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x