2020/09/21
Америк доллар
МОНГОЛ БАНК:
2,854.35₮
B30
УЛААНБААТАР
18°
|
B30
УЛААНБААТАР
16°
|
B30
УЛААНБААТАР
18°
|
00:00
S31
01:00
S31
02:00
S31
03:00
S31
04:00
S31
05:00
S31
06:00
S31
07:00
S32
08:00
S32
09:00
S32
10:00
S32
11:00
S32
13°
Энэ мэдээ хуучирсан буюу 2019/01/22 -нд нийтлэгдсэн мэдээ болно.

Galaxy S10 дэлгэцэн дотроо хурууны хээ уншигчтай гарах болсон нь батлагджээ

Р.Түвшин, iKon.mn
2019 оны 1 сарын 22
iKon.MN
Зураг

Өнөөдрөөс сар орчмын дараа Өмнөд Солонгосын Самсунг Электроникс компани Galaxy цувралынхаа шинэ загвар болох Samsung Galaxy S10-ыг зах зээлд танилцуулах гэж байна.

Одоогоор шинэ загварын техник үзүүлэлтүүдийн талаар албан ёсны мэдээлэл гараагүй байгаа юм.

Шинэ Galaxy гар утсыг дэлгэцэн дотроо хурууны хээ уншигчтай бүтээгдэнэ гэсэн яриа эртнээс гарсан. Өөрөөр хэлбэл дэлгэцний доод талд тусдаа, эсвэл арын хэсэгт хурууны хээ уншигчийг тусгайлан байрлуулалгүй, нүүрэн хэсгийг бүтэн эзэлсэн дэлгэцний дотор талд байрлуулахаар болжээ.

Өнгөрсөн долоо хоногт АНУ-ын гар утасны гэр, дэлгэцний хамгаалалтын хальс үйлдвэрлэгч Armadillotek компани энэ тухай твиттер хуудсандаа бичсэн байна.

Тус мэдэгдэлд “Бид өөрийн бүтээгдэхүүнүүдийг жинхэнэ GalaxyS10 дээр туршлаа. Хамгаалалтын хальстай тохиолдолд дэлгэцэн дотор байрласан хурууны хээ уншигч ажиллахгүй байна. Тиймээс манай Vanguard утасны гэрнүүд дэлгэцний хамгаалалтын хальсгүй гарах болно” гэжээ.

Зарим эх сурвалжуудын мэдээлж байгаагаар S10 нь дэлгэцний цоо шинэ технологитой зах зээлд гарах магадлалтай гэнэ. Тодруулбал гарсан зураасыг өөрөө арилгадаг (өөрөө өөрийгөө эмчилдэг) технологи нэвтэрнэ гэсэн таамаглал байгаа юм.

Galaxy S10 загварыг хоёрдугаар сарын 20-нд Испаний Барселонд болох Mobile World Congress чуулганы үеэр танилцуулах төлөвтэй байна.

 

Эх сурвалж: Independent

 

x