Шинэ оны босгон дээр Монгол Улсын Ерөнхийлөгч Х.Баттулга төрийн шагнал гардуулдаг. Тэрбээр өнөөдөр 11:40 цагт Төрийн ордны Есөн хөлт, цагаан тугт танхимд "2018 оны Шилдэг залуу ажилчин" шагналыг гагнуурчин охин Э.Уужимсэтгэлд гардуулж өгнө.
18 настай Э.Уужимсэтгэл "Монгол ур чадвар 2018" гагнуурчдын тэмцээнд 2 дугаар байрт шалгарч, шилдэг гагнуурчин болсон юм.
"2018 оны Шилдэг залуу ажилчин" Ерөнхийлөгчийн нэрэмжит шагналыг энэ жил анх удаа олгож байгаа бөгөөд бэлнээр 10 сая төгрөг дагалдах аж.
Маргааш /2018.12.28/ буюу Баасан гарагт салбар, салбарт амжилт гаргасан иргэдийг Төрийн одон, медалиар шагнана. Энэ талаарх мэдээллийг бид цаг тухайн үед нь хүргэх болно.
Харин Бямба гарагт /2018.12.29/ Төрийн соёрхол хүртээнэ.