2020/08/15
Америк доллар
МОНГОЛ БАНК:
2,847.99₮
B30
УЛААНБААТАР
22°
|
13°
B30
УЛААНБААТАР
20°
|
12°
B30
УЛААНБААТАР
20°
|
10°
01:00
S29
11°
02:00
S29
10°
03:00
S29
10°
04:00
S29
10°
05:00
S26
10°
06:00
S26
10°
07:00
S26
11°
08:00
S26
13°
09:00
S26
13°
10:00
S26
14°
11:00
S26
15°
12:00
S40
16°
Энэ мэдээ хуучирсан буюу 2018/12/14 -нд нийтлэгдсэн мэдээ болно.

УИХ-ын дарга М.Энхболд чуулганыг удирдахгүй байх шийдвэр гаргасан ч ирц бүрдсэнгүй

Б.МАНЛАЙ, IKON.MN
2018 оны 12 сарын 14
iKon.MN
Зураг
Гэрэл зургийг mpa.mn

Нэр бүхий 38 гишүүн УИХ-ын дарга М.Энхболдыг өөрийн хүсэлтээр албан тушаалаасаа чөлөөлөгдөхийг шаардаж, УИХ-ын чуулган ирц бүрдэхгүйн улмаас хуралдаж чадахгүй байгаа билээ.

УИХ-ын дарга Засгийн газарт хандаж үг хэллээ. Тэрбээр "Надад зууралдаад байгаа зүйл байхгүй. Гэхдээ бүх зүйл хуулийн хүрээнд байх ёстой. 38 гишүүний шаардлагаар ТББХ-ны санал дүгнэлт гартал чуулганы нэгдсэн хуралдааныг удирдахгүй байх шийдвэр гаргалаа" гэв.

Түүний хэлсэн үг бүрэн эхээрээ:

Улсын Их Хурлын гишүүдийн өглөөний амгаланг айлтгая.

Өчигдөр буюу 2018 оны 12 дугаар сарын 13-ны өдөр УИХ-ын нэр бүхий 38 гишүүн шаардлага тавих тухай албан бичгийг надад ирүүлсэн. УИХ-ын даргаас чөлөөлөгдөх хүсэлтээ гарга гэдэг шаардлага өгсөн. Энэ шаардлага өчигдөр ч анх удаа ирж байгаа юм биш. Намайг УИХ-ын даргаасаа чөлөөлөгд гэдэг шаардлагыг Монгол Улсын Ерөнхийлөгч Х.Баттулга өмнө нь тавьж байсан. Дараа нь манай намын дарга, Монгол Улсын Ерөнхий сайд У.Хүрэлсүх УИХ дахь МАН-ын бүлгийн хурал, байнгын хороо болон УИХ-ын чуулганы хуралдаан дээр УИХ-ын даргын албан тушаалаасаа чөлөөлөгд гэсэн шаардлагыг мөн тавьж байсан.

Өнөөдөр УИХ-ын нэр бүхий 38 гишүүн гарын үсэг зурж, энэ шаардлагыг ирүүлж байна. Эдгээр 38 гишүүний 34 нь манай намын гишүүд байгаа. Би гарын үсэг зурсан нөхдийгөө хэний хүсээд байгаа хүслийг гүйцэлдүүлэх, хэний даалгаврыг биелүүлэх зорилготойгоор гарын үсэг зурснаа сайтар тунгааж үзсэн байхаа гэж бодож байна.

Би хууль ёсоор УИХ-ын даргад нэр дэвшиж сонгогдсон. Энэ ажил, албан тушаалыг өгөхөд, чөлөөлөгдөхөд надад зууралдаад байгаа зүйл байхгүй. Гэхдээ би бүх үйл явдал, тэр тусмаа парламентын дотоодод болж байгаа үйл явдал хуулийн дагуу явагдах ёстой гэж үзэж байгаа. Тийм учраас нэр бүхий гишүүдээс тавьсан шаардлага хуульд хэрхэн нийцэж байгаа талаар авч үзээч ээ гэж Төрийн байгуулалтын байнгын хороонд шилжүүлсэн. Төрийн байгуулалтын байнгын хороо энэ асуудлыг авч үзэж тодорхой чиглэл, дүгнэлт гаргах байх гэж бодож байна.

Би хууль зөрчсөн ямарваа нэг үйлдэл хийгээгүй гэдэгтээ итгэлтэй байгаа. Гэхдээ би өнөөдөр үүсээд байгаа нөхцөл байдлыг үнэлж, дүгнэж Төрийн байгуулалтын байнгын хороо энэ асуудлыг хэлэлцэн дүгнэлт гаргах хүртэл УИХ-ын чуулганы нэгдсэн хуралдааныг удирдахгүй байя гэдэг бодолтой байна. Иймд УИХ-ын дэд дарга Л.Энх-Амгаланг чуулганыг удирдаж, ирцээ бүрдүүлж, ажлаа явуулахыг хүсч байна.

Өнөөдрийн буюу 2018 оны арванхоёрдугаар сарын 14-ний чуулганы хуралдааныг УИХ-ын дэд дарга Л.Энх-Амгалан удирдаж байгаа ч ирц бүрдээгүй учир хойшлууллаа.

11:16 цагийн байдлаар чуулганы танхимд 33 гишүүн ирсэн байв.

УИХ-аар ХХААХҮ-ийн сайдыг томилох, ЗТХ, БСШУС-ын сайдыг чөлөөлөх зэрэг асуудлыг хэлэлцэх байсан юм.

ВИДЕО:

https://www.facebook.com/Enkhbold.Miyegombo/videos/584730955290384/
x