2019/08/22
Америк доллар
МОНГОЛ БАНК:
2,673.17₮
B30
УЛААНБААТАР
22°
|
B30
УЛААНБААТАР
24°
|
11°
B30
УЛААНБААТАР
25°
|
13°
23:00
S31
12°
00:00
S31
10°
01:00
S31
02:00
S31
03:00
S29
04:00
S29
05:00
S29
06:00
S29
07:00
S30
10°
08:00
S30
11°
09:00
S30
13°
10:00
S26
15°
Энэ мэдээ хуучирсан буюу 2018/12/12 -нд нийтлэгдсэн мэдээ болно.

Д.Цогтбаатар: Хүн зодсон нь тогтоогдвол Элчин сайдыг татаад зогсохгүй, цагдаагийн байгууллага ч шалгах шаардлага гарна

С.Бадрал, iKon.mn
2018 оны 12 сарын 12
iKon.MN
Гэрэл зургийг mpa.mn

Энэтхэг улсад суугаа Элчин сайд Г.Ганболд ЭСЯ-ныхаа үүдэнд Монгол эмэгтэйг зодсон гэх мэдээлэл олон нийтийн сүлжээгээр тараад байна.

Уг мэдээллийг зодуулсан гэх эмэгтэйн нөхөр бичлэг хийж, олон нийтийн сүлжээнд тавьжээ.

Гадаад харилцааны сайд Д.Цогтбаатар Ерөнхий сайдыг дагалдан өнөөдөр Япон руу айлчлахаар явсан бөгөөд твиттер хуудсаараа дамжуулан энэ асуудлын талаар тайлбар оруулсан байна.

Тэрбээр "Элчин сайдаас тайлбар аваад байна. Холбогдох байгууллагуудтай хамтарсан ажлын хэсэг даруй байгуулж, асуудлыг нь шалгана. Үнэн гэдэг нь тогтоогдвол Элчин сайдыг татаад зогсохгүй, хүний эрхэнд халдсан хэргээр цагдаагийн байгууллага ч шалгах шаардлага гарна" гэжээ.

Олон нийтийн сүлжээнд тавьсан бичлэгт нөхөр нь "Бид хүүхдээ эмчлүүлэхээр дөрвөн сарын өмнө Энэтхэгт ирсэн. Нутаг буцах болсон чинь баахан асуудал тулгараад аргагүйдээд би хүүхдээ сахиж эмнэлэгт үлдээд, эхнэр маань ЭСЯ-руу явсан. Гэтэл Элчин сайд Ганболд эхнэрийн маань цээж, ходоод, сав руу нь өшиглөөд машиндаа суугаад явсан байна" хэмээн ярьсан бол эхнэр нь "Би сайдаа та надад туслаач ээ гээд машины хаалгыг онгойлготол шууд намайг өшиглөсөн. Өнөөдөр миний хүүхдэд хором мөч бүр үнэтэй байгаа учраас би ингээд явж байна. Сайдын намайг өшиглөж зодсоныг олон хүмүүс харсан. Элчин сайдын яамны гаднах камерт ч бичигдсэн байх ёстой" хэмээн ярьжээ.

БИЧЛЭГ:

https://www.facebook.com/otg.rtn/videos/546601162484481/

 

 

x