Үндэсний статистикийн хорооноос өнөөдөр 2018 оны арваннэгдүгээр сарын нийгэм, эдийн засгийн байдлыг танилцуулахдаа цалингийн үзүүлэлтийг онцолсон юм.
Нийгмийн даатгалын ерөнхий газрын нийгмийн даатгалын шимтгэл төлөлтийн тайлангаар 2018 оны III улиралд нийт 40,000 ААН, байгууллага(ААНБ)-ын 651,100 ажиллагчид хамрагджээ. Энэ нь өмнөх он болон улиралтай харьцуулахад аль аль нь өссөн үзүүлэлт юм. Тухайлбал, шимтгэл төлж буй ААНБ-ын тоо зөвхөн өмнөх улирлаас 400-гаар өссөн бол ажиллагчдын тоо өмнөх оны мөн үеэс 44,800, өмнөх улирлаас 14,600-аар тус тус нэмэгдсэн байна. Ажиллагчдын хэдэн хувь нь хэдий хэмжээний цалин авч буйг доорх зургаас харна уу.
Зураг 1. ААН, байгууллагын ажиллагчид, цалин хөлсний бүлгээр, дүнд эзлэх хувиар (2018 оны III улирлын байдлаар)
ҮСХ-ны судалгаагаар нийт ажиллагчдын дундаж цалин энэ оны III улирлын байдлаар 1,031,840 төгрөг болж, өмнөх оны мөн үеэс 75,900, өмнөх улирлаас 6,200 төгрөгөөр өссөн гэв. Өнгөрсөн оны мөн үеэс ийнхүү өсөхөд цахилгаан, хий, уур, агааржуулалтын салбарт
Ажиллагчдын сарын дундаж цалинг эдийн засгийн бүх төрлийн үйл ажиллагааны салбарын ангиллаар авч үзэхэд уул уурхай, олборлолтын салбарт ажиллагчдынх хамгийн өндөр хэвээр буюу 2.4 сая төгрөг байгаа бол урлаг, үзвэр, тоглоом наадмын салбарынх хамгийн бага буюу 631.6 мянган төгрөг байна.
Харин ажил, мэргэжлийн ангиллаар авч үзэхэд 2018 оны III улирлын байдлаар
Байгууллагын хариуцлагын хэлбэрийн хувьд ямар байгааг доорх зурар харуулж байна.
Зураг 2. Ажиллагчдын сарын дундаж цалин, байгууллагын хариуцлагын хэлбэрээр, 2018 оны 2018 оны III улирлын байдлаар, мянган төгрөгөөр
Ийнхүү ажиллагчдын сарын дундаж нэрлэсэн цалин 2010 оны IV улирлаас буюу сүүлийн найман жилд даруй 2.7 дахин нэмэгдсэн ч худалдан авах чадварыг илэрхийлэх бодит цалин 53.4 хувиар л нэмэгджээ.
Зураг 3. Бодит цалингийн индекс (2010.IV=100%), улирлаар, хувиар
Нэрлэсэн цалин гэж: Хэрэглээний үнийн индексээр засварлагдаагүй, худалдан авах чадварын өөрчлөлтийг илэрхийлдэггүй бөгөөд татвар, суутгал хасагдаагүй цалин, хөлс юм.
Бодит цалин гэж: Нэрлэсэн цалингийн хэрэглээний үнийн индексээр засварлагдсан, худалдан авах чадварын өөрчлөлтийг илэрхийлсэн үзүүлэлт юм.