2019/09/20
Америк доллар
МОНГОЛ БАНК:
2,668.47₮
B30
УЛААНБААТАР
20°
|
B30
УЛААНБААТАР
22°
|
B30
УЛААНБААТАР
22°
|
18:00
S30
16°
19:00
S29
13°
20:00
S29
11°
21:00
S29
22:00
S31
23:00
S31
00:00
S31
01:00
S31
02:00
S31
03:00
S31
04:00
S29
05:00
S29
Энэ мэдээ хуучирсан буюу 2018/11/29 -нд нийтлэгдсэн мэдээ болно.

ФОТО: Төмөр хүлгийн хүсээгүй "дайн"-ыг зогсоохын төлөө ХИЧЭЭЦГЭЭЕ

Б.МАНЛАЙ, IKON.MN
2018 оны 11 сарын 29
iKon.MN
Гэрэл зургийг mpa.mn

Манай улс зам тээврийн ослоор хохирсон иргэд, тэдний ар гэрийнхний дуу хоолой, үйлдлээр дамжуулан зам тээврийн ослын хор аюулыг таниулах зорилгоор “Зам тээврийн ослоор хохирсон иргэд, ар гэрийн дуу хоолойг олон нийтэд хүргэх өдөр”-ийг зохион байгуулаад 5 жил болж байна. 

Энэ жил Нийслэлийн Иргэдийн Төлөөлөгчдийн хурал, Цагдаагийн ерөнхий газар, Тээврийн цагдаагийн алба хамтран “Хичээх өдөр” уриан дор өнөөдөр /2018.11.29/ улсын хэмжээнд зохион байгууллаа.

 “Хичээх өдөр”-өөр Энхтайвны өргөн чөлөөний авто замын хөдөлгөөнийг 11.00 цагаас 5 минутын хугацаатай түр зогсоож цагдаа, яаралтай түргэн тусламж, онцгой байдлын албанаас дуут дохио өгч зам тээврийн ослоор хохирсон иргэдэд хүндэтгэл үзүүллээ.

Тээврийн цагдаагийн албаны алба хаагчид бүрэн бүрэлдэхүүнээрээ Замын хөдөлгөөний аюулгүй байдлыг хангахтай холбоотой хууль, дүрмийг сурталчлах, хяналт тавих мөн осолд холбогдол бүхий эвдэрч хэмхэрсэн тээврийн хэрэгслийн цувааг тодорхой маршрутаар явуулж иргэдэд ослын хор уршгийг сэрэмжлүүлэв.

Энэхүү үйл ажиллагаа нь зам тээврийн ослоос урьдчилан сэргийлэх, ослын аюулыг бууруулах, иргэдийг гэмт халдлагаас хамгаалах, зөрчлийн улмаас зам дээр амь насаа алдсаны дараа хүндэтгэл үзүүлэх биш амь насаа алдахаас нь өмнө урьдчилан сэргийлэх үндсэн зорилготой.

Гэрэл зургийг mpa.mn

Дэлхий дээр зам тээврийн ослын улмаас жилд 1.3 сая хүн амь насаа алдаж, 50 сая хүн бэртэж гэмтэж байгаа бол Монгол Улсын 3.8 сая хүн ам жил бүр 500 гаруй иргэдээ зам тээврийн ослын улмаас алдаж байна. 

Замын хөдөлгөөнд оролцогч та дүрмээ биелүүлж, бусдыгаа хүндлэн сахилга, соёлтой хөдөлгөөнд оролцвол өдөрт 1-2 хүн амь насаа алдаж, 15-20 хүн бэртэж гэмтэж байгаа байдал буурах боломжтой юм. Иймээс та бүхнийг энэ өдөрт бүх нийтээрээ нэгдэхийг уриалж байна. 

Мөн энэхүү өдөр болон ослын хор аюулыг олон нийтэд таниулахад хэвлэл мэдээллийн байгууллагууд, үүрэн телефоны операторууд, аж ахуйн нэгж байгууллагууд хамтран ажиллаж байгаа аж.

Түүнчлэн аймаг, орон нутаг, дүүргүүд дэх Засаг Даргын Тамгын Газрын ажлын албаны ажилтан, алба хаагчид, их, дээд сургуулийн оюутан залуус гудамж замд хөдөлгөөнд оролцогчдыг зам тээврийн ослоос урьдчилан сэргийлэх, хөдөлгөөнд сахилга, соёлтой оролцох талаар уриалж жагсах юм.  

Замын хөдөлгөөнд оролцогдоггүй хүн гэж үгүй учир бүгдээрээ хичээж эерэг зөв үйлдлээрээ нэг нэгнээ хүндэлж, үлгэрлэж энэ хүсээгүй төмөр хүлгийн дайныг хамтдаа бууруулж, зогсооцгооё гэж Тээврийн цагдаагийн албанаас уриаллаа.

ФОТО: Хичээх өдрийн цуваа

 

x