"Дугуй, хуванцар, хог шатаасан тохиолдолд торгууль ногдуулах хуулийн заалттай"
Нийслэлийн Мэргэжлийн хяналтын Газрын Агаарын чанарын хяналтын хэлтэс өнгөрөгч өдрүүдэд агаар бохирдуулагч эх үүсвэрүүдэд хяналт шалгалт хийж, шалгалтын явцад гарсан үр дүнгээ танилцуулсан талаар бид мэдээлсэн.
Учир нь агаар орчинг бохирдуулагч эх үүсвэрт халаалтын зуух, утаа ялгаруулагч тээврийн хэрэгсэл багтдаг талаар бид их ярьдаг болов ч хувь хүний санаатай болон санамсаргүй үйлдлээс болж агаар бохирдуулж буй тохиолдлыг тэр анзааралгүй өнгөрөөдөг аж.
Хог шатаах үед үүсдэг энэхүү диоксин, фуран гэх хорт нэгдэл нь хөрсөнд 10-12 жил, агаарт 32 хоног харин хүний биед 3-20 жил болж байж хагас задардаг гэсэн судалгаа байдаг талаар НМХГ мэдээлсэн юм.
Тийм ч учраас эдгээр хорт нэгдэл нь агаараар дамжин хүний биеийн өөхлөг хэсэгт хуримтлагдаж жирэмсэн эхчүүдийн ихэс болон урагт сөргөөр нөлөөлөх, чихрийн шижинг бий болгох, дархлааг сульдуулах, уушгины өвчлөлийг нэмэгдүүлэх, арьсны өвчлөлийг бий болгох зэрэг маш олон сөрөг үр дагаврыг бидэнд үзүүлдэг байна.
Эдгээр сөрөг үр дагавраас урьдчилан сэргийлэхийн тулд санаатайгаар агаар бохирдуулж буй иргэд, аж ахуйн нэгж болон хуулийн этгээдэд ийнхүү торгууль ногдуулах аж.
