Талийгаач Ч.Чамин-Эрдэнийн гэр бүл, найз нөхөд, хамт олныг хүндэтгэх үүднээс "Боловсрол" телевизийн хамт олон “Mongolia’s next top model” нэвтрүүлгээ цацахаа зогсоож түр завсарласан билээ.
Түүний гэгээн дурсгалыг хүндэтгэн нэвтрүүлгээ үргэлжлүүлэн гаргахыг талийгаачийн гэр бүлийнхэн хүссэн байна. Энэхүү хүсэлтийн дагуу арваннэгдүгээр сарын 18-ны Ням гарагаас эхлэн нэвтрүүлэг хэвийн цацагдахаар болсон талаар Боловсрол телевиз албан ёсны фэйсбүүк хуудсаараа мэдэгджээ.