Малайз улсын нийслэл Куала Лумпур хотоос нэг цаг гаруй зайд орших Пулау Инда арал нь тус улсын хамгийн том усан боомт аралд тооцогддог аж.
Гэвч энэ он гарснаар БНХАУ-ын хуванцрын төрлийн хог хаягдлыг импортлохыг зогсоосон шийдвэрийн дараагаар тус арал нь АНУ, Их Британи, БНСУ, Испани зэрэг улсуудын хуванцрын хог хаягдал хүлээн авах томоохон цэг болоод байна.
Ингэснээр Пулау Инда арал дээр олон тооны хууль бус үйл ажиллагаа эрхэлж буй хог боловсруулах үйлдвэрүүд байгуулагдаж, байгаль орчинд хор хөнөөл учруулахуйц үйл ажиллагаа явуулж буй талаар олон улсын эх сурвалжууд мэдээлэв.
БНХАУ-ын гаргасан шийдвэрээр нийт долоо гаруй сая тонн хуванцар хог хаягдлын урсгалыг зогсонги байдалд оруулаад байсан юм. Харин тус арал нь бусад улсаас хуванцрын хог хаягдлыг хүлээн авч эхэлснээр энэхүү урсгалыг хөдөлгөөнд оруулаад байгаа аж.
Он гарснаас хойш өнгөрөгч долоодугаар сар хүртэл, хэдхэн сарын дотор зөвхөн АНУ л гэхэд нийт 178,238 тонн хуванцрын хог хаягдлыг Пулау Инда арал руу илгээгээд байна.
Эх сурвалж: World Economic Forum