Хууль зөрчиж, нийтийн эзэмшлийн газарт явган хүний замыг хааж, зохих зөвшөөрөлгүй шат, авто машины орц, гарц барьсан нь иргэдийн эрүүл, аюулгүй орчинд амьдрах эрхийг ноцтой зөрчиж байгаа гэсэн үндслэлээр Туушин зочид буудлын өмнөх газрыг хотын даргын шийдвэрээр албадан чөлөөлж байна.
Мөн Баянзүрх дүүргийн 25 дугаар хороо, Натур төвөөс Нарны зам руу холбосон авто зам дагуух явган хүний замыг өнгөрсөн амралтын өдрүүдээр чөлөөлжээ.
Үүнд явган хүний замыг хааж барьсан зургаан хашааг буулгасан байна. Ингэснээр тухайн хэсэгт тохижилтын ажил хийгдэж, явган хүн зорчих бүрэн боломжтой болох талаар Нийслэлийн Газрын алба мэдээлэв.
Гэрэл зургийг mpa.mn