Хууль сахиулахын их сургуулийн Соёлын төвд
09:00-17:00 цагийн хооронд “Хилийн аюулгүй байдалд тулгамдаж буй асуудал, шийдвэрлэх арга зам” сэдэвт олон улсын эрдэм шинжилгээний хурлыг УИХ-ын Хууль зүйн байнгын хороо, Хууль зүй, дотоод хэргийн яам, Хууль сахиулахын их сургууль, Хил хамгаалах ерөнхий газар, Ханнс-Зайделийн сантай хамтран зохион байгуулна.
Нийслэлийн иргэний танхимд
09:00 цагаас Нийслэлийн 152 хорооны Хамтарсан багийн гишүүдийн дунд зохион байгуулж буй “Асуудал ба шийдэл” аяны хүрээнд илтгэлийн тэмцээний эцсийн шалгаруулалт болно.
Шангри-Ла зочид буудлын Ballroom танхимд
09:00-17:00 цагийн хооронд "Чанарын дэд бүтцийн хөгжлийн чиг хандлага" Олон Улсын симпозиумыг зохион байгуулна.
НМХГ-ын 5 давхарын хурлын танхимд
10:00 цагаас Хууль бус үр хөндөлтөөс урьдчилан сэргийлэх хяналт шалгалт хийсэн тухай мэдээлэл хийнэ.
Нийслэлийн хэвлэл мэдээллийн төвд
11:00 цагаас Улаанбаатар хотын захирагч С.Батболд, нийслэлийн Хот төлөвлөлт, Ерөнхий төлөвлөгөөний газрын дарга Э.Анар нар хэвлэлийн хурал хийнэ.
MN-Мэдээллийн төвд
12:00 цагаас ХБНГУ-д галт тэрэгний машинистаар ажиллах хүсэлтэй хүмүүст зориулж Герман хэлний сургалт явуулж буй "Холун хатны үр сад" сангаас мэдээлэл хийнэ.
22-ын Авто худалдааны цогцолборт
12:30 цагаас Шинэ авто вокзалын шав тавих ёслол болон инженерийн шугам сүлжээний ажлын нээлт болно. Нээлтэд хотын дарга болон холбогдох албаныхан оролцоно.
Монголын Хүүхдийн ордонд
13:00 цагаас Олон улсын охидын өдрийг тохиолдуулан “Хүч чадалтай охид” уриатайгаар нийт 73 Ерөнхий боловсролын сургууль, Мэргэжил сургалт, үйлдвэрийн төвүүдийн төлөөлөл бүхий 600 охидын чуулган болно.
Сүхбаатарын талбайд
14:00 цагаас Нийслэлийн Агаарын бохирдлыг бууруулах газар БОАЖЯ-тай хамтран зохион байгуулж буй "Бид нэг агаартай" дэвшилтэт техник, технологийн үзэсгэлэнгийн нээлт болно.