ХУУЧИРСАН МЭДЭЭ: 2018/10/07-НД НИЙТЛЭГДСЭН
ФОТО: Made in Mongolia автобус ингэж бүтдэг
iKon.MN
Гэрэл зургийг mpa.mn
Үндэсний үйлдвэрлэгч, аж ахуйн нэгж болох "Монгол машин байгууламж" болон "Монгол машин индустриал" ХХК-иудын хамтран үйлдвэрлэсэн "МОН-30" загварын хоёр цахилгаан автобус өнгөрөгч Баасан гарагт дотоодын нийтийн тээврийн үйлчилгээнд явахад бэлэн болсноор хэрэглэгчдийн гарт хүргэх ёслолын үйл ажиллагаа болж өнгөрчээ.
Эдгээр автобусууд нь "Нийслэлийн нийтийн тээвэрт байгаль орчинд ээлтэй цахилгаан автобусыг дотоодын хэрэглээнд нэвтрүүлэх, туршилт хийх" зорилготой Засгийн газрын өнгөрөгч тавдугаар сард гаргасан 122 дугаар тогтоолыг хэрэгжүүлэхийн хүрээнд ЗТХЯ болон "Үндэсний аж үйлдвэрийн зөвлөл" ТББ-тай хийсэн гэрээний дагуу ийнхүү бий болжээ.
Цахилгаан автобусууд тус бүр 34 хүний суудалтай, зогсоогоор 100-150 хүний багтаамжтай, бүрэн цахилгаан хөдөлгүүртэй, нэг цэнэглэлтээр 200 км зам туулах хүчин чадалтай, жилд 6 сая төгрөгийн цахилгаан зарцуулж, Монголын эрс тэс цаг уурын нөхцөлд тохирсон ба агаар орчны бохирдлыг бууруулахад хувь нэмэр оруулах тус тус давуу талтай байна.
