2019/08/25
Америк доллар
МОНГОЛ БАНК:
2,671.55₮
B30
УЛААНБААТАР
18°
|
12°
B30
УЛААНБААТАР
17°
|
B30
УЛААНБААТАР
19°
|
21:00
S29
14°
22:00
S31
11°
23:00
S31
00:00
S31
01:00
S31
02:00
S31
03:00
S31
04:00
S31
05:00
S31
06:00
S31
07:00
S32
08:00
S32
Энэ мэдээ хуучирсан буюу 2018/09/21 -нд нийтлэгдсэн мэдээ болно.

Г.Отгонцэцэг хошой хүрэл медальтан боллоо

Б.Зул, Үндэсний шуудан
2018 оны 9 сарын 21
Үндэсний шуудан

Жүдо бөхийн насанд хүрэгчдийн эрэгтэйчүүдийн 32, эмэгтэйчүүдийн 23, холимог багийн хоёр дахь удаагийн дэлхийн аварга шалгаруулах тэмцээн Азербайжаны Баку хотод эхэллээ. Энэ удаагийн тэмцээнд 129 орны 800 орчим тамирчин өрсөлдөж байгаа бөгөөд өдөр бүр эрэгтэй, эмэгтэй тус бүр нэг жингийн барилдаан болно. Өчигдөр эрэгтэйчүүдийн 60, эмэгтэйчүүдийн 48 кг-ын жингийн медальтнууд тодорсон.

Эрэгтэйчүүдийн 60 кг-ын жинд залуучуудын дэлхийн аваргын хошой хүрэл медальт Б.Амартүвшин анх удаа насанд хүрэгчдийн ДАШТ-д зодоглосон бөгөөд нэг ч ялалт авч чадалгүй тэмцээнээ дуусгалаа. Тэгвэл эмэгтэйчүүдийн 48 кг-д дэлхийн аваргын алт, мөнгөн медальт, гавьяат тамирчин М.Уранцэцэг Узбекстан, Куба, Португалын бөхийг ялсан ч хагас шигшээд өнгөрсөн жилийн дэлхийн аварга Фүна Тонакид ялагдлаа.

Улмаар хүрэл медалийн төлөө Казахстаны бөх олимп, дэлхийн аваргын хүрэл медальт Г.Отгонцэцэгт ялагдсанаар шагналт байрт шалгарав. Тэгвэл Казахстаны жүдоч Г.Отгонцэцэг дэлхийн аваргын хошой хүрэл медальтан боллоо. Өнөөдөр эрэгтэйчүүдийн 66, эмэгтэйчүүдийн 52 кг-ын жингийн барилдаан болно.

Сонирхуулахад, дэлхийн аваргын өмнө Олон улсын жүдо бөхийн холбооны уламжлалт хурал, техникийн зөвлөгөө болсон. Энэ үеэр 2021 оны ДАШТ зохион байгуулах эрхийг Австрийн Вена хотод өгчээ.

x