Audi компани анхны бүрэн цахилгаан SUV загвараа танилцууллаа
Өчигдөр буюу Даваа гарагт Audi компани өөрийн анхны бүрэн цахилгаан хөдөлгүүртэй SUV загварын e-tron автомашиныг танилцуулж, захиалгын сувгаа нээжээ.
Шинэ автомашин 2019 оны хоёрдугаар улиралд АНУ-ын зах зээлд түрүүлж гарах гэнэ. Таван суудалтай, хос хөдөлгүүртэй, дөрвөн дугуй хөтлөгчтэй e-tron нь бүрэн цэнэглэлтээр 400 км зам туулах үзүүлэлтийг Европ стандартын шалгуураар харуулжээ. Одоогоор АНУ-ын стандарт шалгуураар ороогүй байгаа гэнэ.
Үүнээс гадна Audi e-tron дээд тал нь 200 км/цаг хүртэл хурдлах, 5.5 секундэд 0-ээс 96 км/цаг хүртэл хурд авах чадалтай бол DC ангиллын түргэн цэнэглэгчээр 30 минутын хугацаанд 80 хувь хүртэл цэнэглэгддэг 95 кВатт/цаг багтаамжтай баттерейг агуулжээ.
Салонд байрлах хурууны даралт мэдрэгчтэй хоёр дэлгэцээр бараг бүх зүйлсийг удирдаж болохоос гадна Amazon Alexa дуу хоолойгоор удирдагдах ухаалаг туслагчийг суулгаж өгсөн байна.
Эх сурвалж: Business Insider
