Volkswagen домогт Beetle автомашиныхаа үйлдвэрлэлийг 80 жилийн дараа зогсоохоор боллоо

Германы автомашин үйлдвэрлэгч Volkswagen домогт Beetle загвараа дахин үйлдвэрлэхгүй болж байгаагаа өчигдөр зарлажээ.

Анх 1938 онд буюу Гитлерийн засаглалын үед үйлдвэрлэж эхэлж байсан Beetle-ийн сүүлчийнхийг 2019 оны долдугаар сард Мексикийн Пуэбла муж дахь үйлдвэрээс гаргахаар болсон байна.

Ингэснээр тус компани SUV болон Crossover ангиллын автомашинуудыг үйлдвэрлэхэд бүх анхаарлаа хандуулах ажээ.

1960-аад оны үед нэг жилд 423,000 Beetle АНУ-ын зах зээлд зарагдаж байсан нь энэ бүтээгдэхүүний дээд амжилт юм. Харин өнгөрсөн онд ердөө 15,000 орчмыг заржээ.

Эх сурвалж: Business Insider