Нийслэлийн засаг дарга С.Батболд “Нэг хот-Нэг стандарт” гэсэн зорилт дэвшүүлж, үйл ажиллагааныхаа чиг шугам болгож буйгаа өнөөдөр мэдэгдлээ.
Тэрбээр, “Нийслэлд амьдарна гэдэг иргэд нь нийслэлийн стандартад нийцсэн үйлчилгээ авна гэсэн үг. Улаанбаатарыг удирдана гэдэг хотоо дэлхийн хотуудын стандартад хүргэнэ гэсэн үг. Хотын даргын хийх ажил ердөө л энэ.
Бага тойргоос Багахангай, төв талбайгаас захын хороолол хүртэл нийслэл хотын 4,700 ам дөрвөлжин километр дэвсгэр нутагт нэг л стандарт байх ёстой. Агаарын чанар, сургуулийн хүрэлцээ, гадна тохижилт, нийтийн тээвэр, барилга орон сууц гээд хотын амьдралын хэм хэмжээ болсон үзүүлэлт өдөр шөнө шиг өөр өөр байх ёсгүй гэсэн бодлого хотын удирдлагын багийн гол үзэл санаа.
Манай нийслэлийн үлгэр загвар, зорилго зорилт бол Сингапур. Бид тэдний стандартад ойртон дөхөж, гүйцэж хүрэх ёстой. Энэхүү зорилтын үр дүнг товчхондоо нийслэлийн 1.4 сая иргэн бүрт нэг л стандарт томьёолон ойлгосон ч болно. Нийслэлийн засаг даргаар ажиллаж ирсэн өнгөрсөн 800 хоногийн ажлаа ч би энэ зорилгод зангидаж ажилласан" хэмээн ярилаа.
Хотын дарга үргэлжлүүлэн дараах жишээнүүдийг танилцуулав.
Эдгээр цөөхөн жишээ бол “Нэг хот-нэг стандарт” гэдэг их ажлын эхлэл гэдгийг хотын дарга онцлон хэлэв.
Хотын даргын өнөөдөр өгсөн мэдээллийн чухал хэсэг нь нийслэлд өрнөж буй бүтээн байгуулалтын тухай байлаа. Тодруулбал,
Түүнчлэн хотын удирдлагуудын зүгээс иргэдийн оролцоо, соёлд суурилсан цөөнгүй ажил амжилттай хэрэгжиж буйг С.Батболд дарга хэлсэн. Тухайлбал, түрээсийн унадаг дугуйны “UBike” төсөл. Дугуйг гэртээ аваачдаг, эвддэг байдал өөрчлөгдөж Улаанбаатарчууд дугуй түрээсийн соёлд суралцаж байгаа аж. Хотын зүгээс дугуйн замыг нэмэгдүүлэх сайжруулах чиглэлээр ажиллаж байгаа юм байна. Мөн иргэдийн мэдээлэлд тулгуурласан “Зам чөлөөл” аяны хүрээнд 129 орц, гарцыг чөлөөлжээ.