Apple компанийн хамгийн анхны персональ компьютер болох Apple-1-ийг ирэх сард дуудлага худалдаагаар зарах болжээ.
Стив Жобс, Стив Возняк нарын 1970-аад оны үед бүтээсэн энэхүү ховор техник нь бүрэн ажиллагаатай юм байна.
Apple-ийн эксперт Кори Коэн энэ зуны эхээр уг компьютерийг олж, сэргээн засварласан юм. Дуудлага худалдаагаар $300,000-$400,000 орчим үнэ хүрнэ гэж тооцоолжээ.
Үүнд Apple-1-ийн эх хавтан, гар, видео дэлгэц болон дагалдах бичиг баримт нь багтсан гэнэ.
Өнгөрсөн хугацаанд хэд хэдэн Apple-1 дуудлага худалдаанд зарагдаж байжээ. Анх 200 ширхэг бүтээгдсэн уг компьютерээс одоо 60-70 орчим нь үлдсэн байгаа гэгддэг.
Тиймээс цаашдаа улам их үнэ хүрнэ гэж үздэг юм.
Дуудлага худалдаа есдүгээр сарын 25-нд Бостон хотын WeWorks оффист болох ажээ.
Эх сурвалж: Mashable