2018/10/23
Америк доллар
МОНГОЛ БАНК:
2,563.79₮
B30
УЛААНБААТАР
|
-5°
B28
УЛААНБААТАР
|
-3°
B14
УЛААНБААТАР
-3°
|
-7°
01:00
S44
-5°
02:00
S44
-6°
03:00
S44
-6°
04:00
S44
-8°
05:00
S44
-7°
06:00
S44
-7°
07:00
S28
-7°
08:00
S28
-6°
09:00
S44
-2°
10:00
S32
11:00
S32
12:00
S32
Энэ мэдээ хуучирсан буюу 2018/08/10 -нд нийтлэгдсэн мэдээ болно.

АНУ 2020 онд Сансрын армитай болохоор төлөвлөжээ

Р.Төмөр, ikon.mn
2018 оны 8 сарын 10
iKon.MN

Сүүлийн үед яригдах болсон АНУ-ын Сансрын армийн талаар өчигдөр дэд ерөнхийлөгч Майк Пэнс анх удаа зарим дэлгэрэнгүй мэдээллийг өгсөн байна.

Өнгөрсөн зургаадугаар сард ерөнхийлөгч Дональд Трамп “сансрын зэвсэгт хүчин“ гэх нэртэй армийн шинэ салбар байгуулах чиглэлийг Пентагонд өгч байсан юм.

Тэгвэл Майк Пэнс Пентагоны байранд болсон арга хэмжээний үеэр хэлэхдээ “АНУ-ын сансрын зэвсэгт хүчнийг байгуулах цаг ирж байна. 2020 он гэхэд АНУ өөрийн сансрын армитай болох зорилготойгоор манай засаг захиргаа удахгүй ажиллаж эхэлнэ” гэж мэдэгджээ.

Түүний хэлснээр Сансрын зэвсэгт хүчин нь үндсэн дөрвөн нэгжээс бүрдэх аж. Үүнд сансрын зэвсгийг бүтээх, турших үүрэгтэй Сансрын Хөгжлийн Алба, дайн тулааны үед мэргэжлийн түвшинд ажиллах Санрын Ажиллагааны Алба, мөн хууль эрх зүй талаас нь дэмжиж ажиллах алба багтаж байна. Эцэст нь дөрвөн таван хошуутай генералаар удирдуулах Сансрын Командлагчийн газрыг байгуулахаар болжээ.

АНУ-ын зэвсэгт хүчин хамгийн сүүлд 1947 онд дотроо шинэ салбар байгуулсан нь Армийн Агаарын Корпусыг томсгож АНУ-ын Агаарын зэвсэгт хүчин болгосон явдал байв.

Трампын санаачилсан Сансрын зэвсэгт хүчнийг тойрсон маргаан ид өрнөж байна. Зарим улс төрчид ийм салбар байх хэрэгтэй эсэх, гаргасан зардал нь үр дүнтэй байх эсэхэд эргэлзэж байгаа юм.

Зарим нь угаасаа том төсөвтэй Агаарын зэвсэгт хүчний салбар дотор багтаах нь зөв гэж үзэж байна.

Гэхдээ Сансрын зэвсэгт хүчин байгуулах Трампын энэ санааг Конгресс эцэслэн батлах юм. 

NASA-гийн сансрын нисэгч асан Марк Кэлли энэ тухай “Уг санааг гайхамшигтай гэж магтаж байгаа ганц хүн нь миний мэдэхээр АНУ-ын ерөнхийлөгч байна. Бусад нь бүгд эргэлзэж, зарим нь дэмий зүйл гэж ярьж байна. Яг одоо бидэнд үүний хэрэг байхгүй” гэж өчигдөр хэвлэлд ярьсан байна.

 

Эх сурвалж: Tech Insider

 

x