2020/07/11
Америк доллар
МОНГОЛ БАНК:
2,832.22₮
B30
УЛААНБААТАР
22°
|
12°
B30
УЛААНБААТАР
27°
|
13°
B30
УЛААНБААТАР
29°
|
14°
12:00
S30
17°
13:00
S30
17°
14:00
S30
18°
15:00
S30
18°
16:00
S30
18°
17:00
S30
18°
18:00
S30
18°
19:00
S30
18°
20:00
S30
17°
21:00
S29
14°
22:00
S29
13°
23:00
S29
12°
Энэ мэдээ хуучирсан буюу 2018/07/31 -нд нийтлэгдсэн мэдээ болно.

Х.Баттулга, Шинзо Абэ нарын ээлжит уулзалт амжилттай болно гэдэгт эргэлзэхгүй байна гэв

А.Төгөлдөр, iKon.mn
2018 оны 7 сарын 31
iKon.MN

Японы парламентын төлөөлөгчдийн танхимын гишүүн Ясүхиса Шиозаки Монгол Улсын Ерөнхийлөгч Х.Баттулгад бараалхав

Монгол, Япон улсын хооронд дипломат харилцаа тогтоосны 45 жилийн ойд зориулсан “Шизүкэ” буюу “Жудаг” үзэсгэлэнд оролцохоор ирсэн Японы парламентын төлөөлөгчдийн танхимын гишүүн Ясүхиса Шиозаки, Японы Ёс зүйн нийгэмлэгийн тэргүүн Ито Наоко тэргүүтэй албаны хүмүүс өнөөдөр Монгол Улсын Ерөнхийлөгч Х.Баттулгад бараалхлаа.

Уулзалтын эхэнд Японы парламентын төлөөлөгчдийн танхимын гишүүн Ясүхиса Шиозаки Монгол Улсын Ерөнхийлөгч Х.Баттулгад хандан цаг гарган хүлээн авч уулзаж байгаад талархлаа илэрхийлэв. Мөн Японы баруун бүст үеэр бууж иргэд ихээхэн хохирол амсаж байх үед Монгол Улсад Үндэсний их баяр наадам нь болж байсан ч үүний хажуугаар Монголын ард түмэн сэтгэл зовинон, хүмүүнлэгийн тусламж илгээж, эмгэнэн гашуудаж буйгаа илэрхийлсэнд гүнээ талархаж байгаагаа илэрхийлэв.

Хариуд нь, Монгол Улсын Ерөнхийлөгч Х.Баттулга Монголын ард түмнээс илгээсэн бага ч гэсэн хүмүүнлэгийн тусламж нь манай хоёр улсын Засгийн газар, иргэдийн харилцаа ойр дотно, бат бэх, харилцан бие, биенээ хүндэтгэж байгаагийн илрэл гээд энэхүү харилцаандаа үндэслэн илүү ахицтай ажиллах ёстой талаар ярилаа.

Ноён Ясүхиса Шиозаки мөн Монгол Улс нь Япон улсын хувьд чухал түнш гэдгийг дурдаад, Дорнын эдийн засгийн чуулганы үеэр Япон улсын Ерөнхий сайд Шинзо Абэ, Монгол Улсын Ерөнхийлөгч Х.Баттулга нар ойр, дотно уулзаж, хоёр орны стратегийн түншлэл, хамтын ажиллагааг улам бүр гүнзгийрүүлнэ гэдэгт эргэлзэхгүй байгаагаа хэллээ.

Мөн талууд уулзалтын үеэр хөдөө аж ахуй, аялал жуулчлал, мал аж ахуй, бүс нутаг зэрэг сэдвээр дэлгэрэнгүй санал солилцож, Япон улсын өндөр технологи, менежмент зэргийг хослуулан ашиглах, тодорхой төслүүдэд хамтарч ажиллах асуудлаар ярилцлаа гэж Ерөнхийлөгчийн Тамгын газраас мэдээллээ. 

Монгол Улсын Ерөнхийлөгч Х.Баттулга ОХУ-ын Владивосток хотноо жил бүр болдог Дорнын Эдийн Засгийн форумд энэ жил дахин оролцохоор төлөвлөж байна. Өнгөрсөн жилийн Дорнын Эдийн Засгийн форумд Ерөнхийлөгч Х.Баттулга оролцохдоо анхны дипломат уулзалтаа Японы Ерөнхий сайд Шинзо Абэтэй уулзахаас эхэлж байсан юм.

 
Гэрэл зургийг Ч.Ганбат

 

x