2019/09/15
Америк доллар
МОНГОЛ БАНК:
2,670.87₮
B30
УЛААНБААТАР
12°
|
B30
УЛААНБААТАР
16°
|
B30
УЛААНБААТАР
13°
|
20:00
S31
21:00
S31
22:00
S31
23:00
S31
00:00
S31
01:00
S31
02:00
S29
03:00
S29
04:00
S29
05:00
S29
06:00
S29
07:00
S30
Энэ мэдээ хуучирсан буюу 2018/07/31 -нд нийтлэгдсэн мэдээ болно.

Сайншанд салхин паркийн 25 дахь сэнсний угсралтын ажил дуусчээ

А.Төгөлдөр, iKon.mn
2018 оны 7 сарын 31
iKon.MN
Гэрэл зургийг MPA.mn

“Сайншанд Салхин Парк” ХХК нь өнгөрсөн долоо хоногт 25 дахь салхин сэнсний угсралтын ажлыг төлөвлөсөн хугацаандаа бүрэн гүйцэтгэж дуусгасан байна.  

Төслийн гүйцэтгэлийн ажлыг хэрэгжүүлэхэд инженерийн болон барилга угсралтын мэргэжлийн  ур чадвараас гадна барилгын үйл явцын ямарваа нэгэн сул зогсолт, осол гэмтэлгүйгээр гүйцэтгэхэд төслийн маш нарийн төлөвлөгөө, хариуцлага чухал шаардлагатай байсан байна. Байгалийн урьдчилан таамаглашгүй нөхцөл болох элсэн шуурга, бороо салхины улмаас барилга угсралтын ажил 25 өдрөөр хойшлогдсон ч төслийн багийнхан, хамтран гүйцэтгэгчид төслийн ажлыг төлөвлөгөөний дагуу явуулж байгаа ажээ. 

Сайншанд салхин паркийн барилгын ажил 2017 оны 08 дугаар сараас эхэлсэн бөгөөд 2018 оны 10 дугаар сарын сүүлээр цахилгаан эрчим хүч үйлдвэрлэж эхлэх төлөвлөгөөтэй. Уг төсөл нь Дорноговь аймгийн Алтанширээ, Өргөн сумын нутаг дэвсгэрт хэрэгжиж байгаа билээ.    

Төслийн үр дүнд байгальд ээлтэй, тогтвортой эрчим хүчний эх үүсвэр нэмэгдэх бөгөөд орон нутгийн болон үндэсний хэмжээнд эдийн засгийн эерэг нөлөөг үзүүлэхээс гадна шинээр ажлын байр ч бий болох юм.

Төслийн барилга угсралтын ажилд нийт 120 сая ам.долларын шууд хөрөнгө оруулалт оруулж байгаагийн 65 хувийг олон улсын банкууд санхүүжүүлж байгаа аж. Харин эзэмшлийн хувьд 98 хувийг Франц, Герман зэрэг Европын компани болон бусад байгууллагуудад хамаарч байна.

Уг төсөл хэрэгжсэнээр 55 МВт суурьлагдсан хүчин чадал бүхий салхин парк ашиглалтанд орж, жилд 100 мянга гаруй айл өрхийн цахилгааны хэрэглээ хангахуйц ногоон эрчим хүч үйлдвэрлэн 200 мянга гаран тонн нүүрс хүчлийн хий агаар мандалд ялгарахаас сэргийлэх юм. 

x