Гудамжинд ухаангүй, биеэ авч явах чадваргүй байгаа хүнтэй таарвал 103, 102 дугаарын утсанд мэдэгдээрэй

Баярын амралтын өдрүүдэд эмнэлэг, эрүүл мэндийн байгууллагын ачаалал ихсэж, төрөл бүрийн хордлогот, халдварт өвчин, архаг хууч өвчин сэдрэх, осол гэмтэл ихсэх хандлагатай байдаг. Иймд дараах зөвлөмжийг хүргүүлж байна.

• Архи дарснаас татгалзах, архигүй баяр тэмдэглэх
• Согтууруулах ундаа хэрэглэсэн л бол жолооны ард суухыг хатуу цээрлэх, бусдад шаардлага тавьж сурах
• Хоол ундыг тохируулан хэрэглэх, муудсан хоол хүнс хэрэглэхээс сэргийлэх
• Хоол унд бэлтгэх болон идэхийн өмнө, бие зассаны дараа гараа сайтар угааж байх
• Ил задгай, баталгаагүй газраас хоол хүнс авахаас татгалзах
• Бага насны хүүхэд, өндөр настан, жирэмсэн эх, асаргаа сувилгаа шаардсан хүмүүст илүү анхаарал хандуулах, тэднийг ганцааранг нь орхихгүй байх, хараа хяналт тавих
• Наршилтаас сэргийлэх
• Гүнзгий гол, дуу цахилгаантай бороо, үеэр уснаас сэргийлэх
• Ахуйн осол гэмтлээс сэргийлэх
• Хол замд явах бол унааны бэлтгэл, найдвартай байдлыг хангах
• Хурд хэтрүүлэхгүй явах, суудлын бүс, даруулгыг хүн бүрт тохируулан хэрэглэх, суудлын тооноос илүү зорчигч тээвэрлэхгүй байх
• Гал түймрийн аюулаас сэргийлэх арга хэмжээг авах
• Гудамж, талбайд хүн ухаангүй буюу биеэ авч явах чадваргүй байгаа бол та яаралтай 103, 102 дугаарын утсанд мэдэгдэх, тусламж иртэл анхны тусламж үзүүлэх

Эх сурвалж: Нийслэлийн эрүүл мэндийн газар