Д.Бат-Өлзий: Үүлэнд зориудаар нөлөөлөх ажиллагаанд 42 баг оролцож байна
ЦУОШГ-ын мэргэжилтэн Д.Бат-Өлзийгөөс цаг агаарт зориудаар нөлөөлөх ажиллагааны талаар тодрууллаа.
-Хэдэн аймагт үүлэнд зориудаар нөлөөлөх ажиллагаа явуулсан бэ?
-Хуурайшилт, гангийн нөлөөг бууруулах, ой хээрийн түймэр гарахаас урьдчилан сэргийлэх зорилгоор дөрөвдүгээр сарын 1-ний өдрөөс эхлэн 21 аймаг, Улаанбаатар хотод 42 баг гарч 168 удаа үүлэнд зориудаар нөлөөллөө.
Үүнд 565 ширхэг пуужин зарцуулаад байна. ЦУОШГ-аас мөн өнгөрсөн өдрүүдэд Төв аймгийн Аргалант, Баянцогт суманд үүлэнд зориудаар нөлөөлж, Улаанбаатар хотын бүс нутагт орох хур тунадасны хэмжээг нэмэгдүүлсэн. Буянт-Ухаа , Амгалан, Багануур, Тэрэлж зэрэг газарт хур тунадас нэлээд орсон байна.
-Ямар үед зориудаар нөлөөлөх үйл ажиллагаа явуулдаг вэ?
-Хур тунадас хангалттай орсон газарт үүлэнд зориудаар нөлөөлөх ажиллагаа явуулдаггүй.
