2018/08/21
Америк доллар
МОНГОЛ БАНК:
2,467.76₮
B28
УЛААНБААТАР
22°
|
11°
B34
УЛААНБААТАР
23°
|
12°
B30
УЛААНБААТАР
26°
|
12°
06:00
S44
07:00
S44
11°
08:00
S44
13°
09:00
S44
14°
10:00
S28
17°
11:00
S26
18°
12:00
S26
19°
13:00
S26
19°
14:00
S26
19°
15:00
S26
20°
16:00
S26
20°
17:00
S26
19°
Энэ мэдээ хуучирсан буюу 2018/06/15 -нд нийтлэгдсэн мэдээ болно.

Оросын парламентын өөр нэг гишүүн ДАШТ-ий үеэр сэкс хийхийг уриалав

Р.Төмөр, ikon.mn
2018 оны 6 сарын 15
iKon.MN

Өнгөрсөн Лхагва гарагт ОХУ-ын парламентын доод танхимын гишүүн, Гэр бүл, Эмэгтэйчүүд, Хүүхдийн асуудал хариуцсан байнгын хорооны дарга Тамара Плетнева орос бүсгүйчүүдийг хөлбөмбөгийн ДАШТ-ий үеэр гадаадынхантай дотносохгүй байхыг уриалж байсан билээ.

Тэр бүр болохгүй бол ядаж “арьсны өнгө ижил” хүнтэй сэкс хийвэл дараа нь төрөх хүүхдийн хувь заяанд эерэг нөлөөтэйг зөвлөж байв.

Плетневагийн хэлсэн үгийг арьс өнгөөр ялгаварлах үзлийг ил тод сурталчилж байна хэмээн хүмүүс шүүмжилж байгаа.

Тэгвэл үүнээс нэг өдрийн дараа Пүрэв гарагт Оросын парламентын өөр нэг гишүүн Михайл Дегтярев Плетневагийн хэлсэн үгнээс эсрэг мэдэгдэл хийжээ.

Тэр “ДАШТ-тэй холбоотой олон хайрын түүх бий болж, олон улс орноос ирэгсэд хоорондоо дурлалцаж, олон хүүхэд төрж байвал сайн” гэж ТАСС агентлагт ярьсан байна. Түүний мэдэгдэл Плетневагийн хэлсэн үгийг цайруулж, зохион байгуулагч орон руу чиглэсэн шүүмжлэлийг зөөлрүүлэх зорилготой гэж зарим хүмүүс таамаглаж байгаа юм.

Дегтярев “Одооноос олон жилийн дараа тэдгээр хүүхдүүд эцэг эхийнх нь хайрын түүх ОХУ-д болсон ДАШТ-ээс эхлэлтэй гэдгийг дурсан санасаар байх болно” гэж ярьжээ.

Хөлбөмбөгийн ДАШТ-ийг зохион байгуулж байгаа ОХУ-ын эрх баригчид арьс өнгөөр ялгаварласан гэх Плетневагийн үгэнд тайлбар хийхээс зайлсхийж байна. Тухайлбал Кремлийн хэвлэлийн төлөөлөгч Дмитрий Песковоос энэ тухай асуухад тэр “Энэ бол манай Орос бүсгүйчүүдийн өөрсдөө шийдэх хэрэг. Тэд бол дэлхийн хамгийн сайхан эмэгтэйчүүд” гэхээс өөр зүйл хэлээгүй байна.

 

Эх сурвалж: ТАСС, The Guardian

 

x