Сингапурт хийсэн түүхэн дээд түвшний уулзалтад Монгол Улсын Засгийн газар баяр хүргэж байна

Монгол Улсын ГХЯ-ны мэдэгдэл

АНУ-ын Ерөнхийлөгч Д.Трамп, БНАСАУ-ын Төрийн зөвлөлийн дарга Ким Жон Ун нарын энэ оны 6 дугаар сарын 12-ны өдөр Сингапурт хийсэн түүхэн дээд түвшний уулзалтад Монгол Улсын Засгийн газар баяр хүргэж байна.

Солонгосын хойгийг цөмийн зэвсгээс ангижруулах талаарх энэхүү яриа хэлэлцээ нь бүс нутгийн тогтвортой байдал хийгээд дэлхий нийтийн энх тайвныг бэхжүүлэх үйлсэд бодитой хувь нэмэр оруулна гэдэгт эргэлзэхгүй байна.