2018/05/26
Америк доллар
МОНГОЛ БАНК:
2,410.82₮
B30
УЛААНБААТАР
12°
|
B30
УЛААНБААТАР
13°
|
B32
УЛААНБААТАР
23°
|
02:00
S44
03:00
S44
04:00
S44
05:00
S44
06:00
S32
07:00
S32
08:00
S32
09:00
S44
10:00
S44
10°
11:00
S44
11°
12:00
S32
11°
13:00
S32
12°

Маргаантай газрын зураг бүхий цамцтай Хятад жуулчид Вьетнамчуудыг бухимдуулжээ

Э.Сэмүүн, ikon.mn
2018 оны 5 сарын 16
iKon.MN

Өнгөрсөн Ням гарагт Вьетнамын өмнөд Кам Ран хотын нисэх буудалд буусан Хятад жуулчид Өмнөд Хятадын тэнгисийг багтаасан газрын зураг бүхий богино ханцуйтай цамцтай байсан нь Вьетнамчуудын эсэргүүцэлтэй тулгарчээ.

Цамцан дээр 1940-өөд оны үеийн Хятад улсын газрын зургийг дүрсэлсэн байгаа ба түүн дээр Өмнөд Хятадын тэнгисийг багтаасан байгаа юм. Энэ бүс нутгийн харьяалал нь Хятад-Вьетнам төдийгүй зүүн өмнөд Азийн хэд хэдэн орны дунд маргаантай байдаг.

Вьетнам улс болон түүний хүчирхэг хойд хөршийн хоорондын газар нутгийн маргаан нь тус улсын иргэдийн хувьд халуун сэдэв юм.

Жуулчдыг онгоцноос буусны дараа Вьенамын хил гаалийнхан тэднийг цамцаа солихоос нааш нисэх буудлаас гаргахгүй гэсэн шаардлага тавьжээ.

Удалгүй тэдгээр жуулчдын гэрэл зураг сошиал орчин тархаж, Вьетнамчуудыг ихээр бухимдуулсан байна.

Иргэдийн зарим нь Хятад жуулчдыг шууд буцаах хэрэгтэй, дахин Вьетнамд нэвтрэх эрхийг нь бүрмөсөн хасах хэрэгтэй хэмээн уриалж байв.

Хоёр улсын хил гааль дээр зөрчил маргаан анх удаа гарч байгаа нь энэ биш. 2016 онд Хо Ши Мин хотын нисэх буудлын ажилтан Хятадын маргаантай газрын зураг дүрлэгдсэн паспорт дээр тэмдэглэгээ хийхдээ “F*ck you” гэж бичсэн байсан нь тухайн үедээ нэлээд шуугиан дэгдээж байжээ.

Өнгөрсөн онд Хятадын 4 сая жуулчин Вьетнамд ирсэн байна. Тэд нийт гадаад жуулчдын 30 хувийг бүрдүүлж, Вьетнамын аялал жуулчлалын салбарт гол орлогыг оруулдаг гэнэ.

 

Эх сурвалж: AFP

 

x