Үнэт цаасны зах зээлийг олон улсын жишигт нийцүүлэн хөгжүүлэхэд “төлбөрийн эсрэг нийлүүлэлт” зарчимд суурилсан төлбөр тооцооны Т+2/3 горимыг эргэн нэвтрүүлэх ажил нэн тулгамдаад байгаа талаар Монголын Хөрөнгийн Бирж мэдээлж байгаа юм.
Тус ажлын хүрээнд 2017 оны дөрөвдүгээр сард "Монголын хөрөнгийн бирж" ТӨХК-иар ахлуулсан ажлын хэсгийг "Арилжааны төлбөр тооцоо" ХХК , "Үнэт цаасны төвлөрсөн хадгаламжийн төв" ХХК болон Монголын үнэт цаасны арилжаа эрхлэгчдийн холбооны бүрэлдэхүүнтэй байгуулж, “төлбөрийн эсрэг нийлүүлэлт” зарчимд суурилсан Т+2/3 горимыг хэрэгжүүлэхээр ажиллаж эхэлсэн байна.
Энэхүү ажлын хэсгийн хүрээнд, үнэт цаасны төлбөр тооцооны Т+2/3 горимд шилжихэд шаардлагатай 6 багц журмыг шинээр боловсруулан нийт гишүүн үнэт цаасны компаниудад танилцуулж хэлэлцүүлсэн бөгөөд 2018 оны тавдугаар сарын 11-ний өдөр эдгээр журмын төслийг батламжлуулахаар Санхүүгийн зохицуулах хороонд хүргүүлжээ.
Шинэчлэгдсэн журмууд батлагдсанаар:
Ингэснээр олон улсын мэргэжлийн хөрөнгө оруулагчдын гарц нээгдэх, Монгол улс олон улсад танигдсан "Фронтиер" зах зээлийн зэрэглэлтэй болж, олон улсын жишгийн дагуу өсч хөгжихөд том түлхэц болох талаар МХБ мэдээллээ.