2018/08/17
Америк доллар
МОНГОЛ БАНК:
2,463.71₮
B32
УЛААНБААТАР
23°
|
B30
УЛААНБААТАР
27°
|
10°
B47
УЛААНБААТАР
19°
|
14°
20:00
S44
16°
21:00
S32
15°
22:00
S32
14°
23:00
S32
13°
00:00
S32
11°
01:00
S32
10°
02:00
S32
10°
03:00
S32
04:00
S32
05:00
S32
06:00
S32
07:00
S32
10°
Энэ мэдээ хуучирсан буюу 2018/05/14 -нд нийтлэгдсэн мэдээ болно.

Г.Бөртэ-Улаан: Аав маань эрүүл болчихоод та нарыгаа баярлуулна гэж хэлдэг

Т.Жанерке, iKon.mn
2018 оны 5 сарын 14
iKon.MN

Айл гэрийн халамжит хань, дөрвөн хүүхдийн аав, ид хөдөлмөрлөх насан дээрээ хөдөлмөрийн чадвараа алдсан аав А.Гандүгэрийн өвдөж шаналахыг харж суугаа хүүхдүүд нь хэвлэлийн хурал зарлаж, аавынхаа эмчилгээний зардалд Монголын ард түмнээс хандив хүслээ. Тэд бусад хүүхдийн адилаар аав ээжтэйгээ хамт элэг бүтэн амьдрахыг хүсдэг.. 

А.Гандүгэр нь 43 настай. Баянзүрх дүүргийн 27 дугаар хороонд эхнэр, дөрвөн хүүхдийн хамт амьдардаг.  Тэрээр 2015 оноос хойш “Судасны бөглөрөлтэй” гэсэн оноштойгоор  Улсын гуравдугаар эмнэлэгт хоёр удаа судасны хагалгаанд орж, хиймэл судас хийлгэж байжээ. Хагалгааны дараа мэдээ алдуулалт нь гарсан боловч биеийн эрүүл талдаа цус харвалт өгч саажилттай болсон байна.

2016 оноос хойш хиймэл судас суулгуулсан хөлний судсанд дахин бөглөрөлт үүссэний улмаас хөлийн хялгасан судсууд хагарч, ил шарх гарч, хөл өлмийн хэсгээсээ эхлэн үхжилт явагдаж эхэлсэн байна. 2017 онд БНХАУ руу явж харвасан талынхаа хөлийг эмчлүүлж ирсний дараагаар дахиад хөлний судас нь бөглөрсөн байна. Иймд судасны хагалгаанд дахин яаралтай орох эмч нарын шийдвэр гарчээ. Солонгос эмч нарын зүгээс А.Гандүгэрийг Монголд хоёр ч удаа судасны хагалгаанд орсон учраас эмчлэх магадлал нь 40 хувьтай гэж их болгоомжилж, БНСУ руу яаралтай явж эмчлүүлэх хэрэгтэй гэсэн байна. Хагалгаанд хэрэглэгдэх хиймэл судасны зардалд 50 гаруй сая төгрөг шаардлагатай байгаа гэнэ. 

Охин Г.Бөртэ-Улаан (12 настай):

"Дээд талын ах маань 12 дугаар ангид сурдаг. Шалгалттай байгаа учраас өнөөдрийн хэвлэлийн хуралд ирж амжсангүй. Хамгийн бага дүү маань дөрвөн настай. Аавыг алхаж явахаар л хөлнөөс нь идээ гардаг. Тэр идээ гарсан хэсгээрээ их зовиуртай юм шиг санагдсан. Түргэн дуудахаар эмч нар ирээд өвчин намдаах эм уугаарай гэж л хэлдэг. Дээрээс нь өвчин намдаагч янз бүрийн эм уусаар байгаад ходоод нь давхар өвддөг болчихсон. Ходоодны эм бас ууж байгаа.  Өдөр бүр өвчин намдаагч эм хэрэглэсээр байгаад сүүлдээ үйлчлэхгүй болчихсон.

Аав маань сүүлийн гурван сар нойргүй хонож байгаа. Заримдаа бүр өвчнөө тэсэлгүй уйлдаг гээч. Эмч нар варфарин, падна гэх судас шингэлэх эм бичиж өгдөг боловч авч чаддаггүй. Энэ хоёр эм 12-85 мянган төгрөгийн үнэтэй. Аавын өдөр тутмын өвчин намдаах эм, лаанд 5,000-6,000 төгрөгийг зарцуулдаг.  Хажууд нь байхад “Аав нь эрүүл болчихоод хүүхдүүдээ баярлуулна”, “Аав нь эрүүл болчихвол хэдүүлээ хамт гадуур гарна л гэдэг ".  

 

Хүү Г.Тэмүүжин (8 настай):

"Би байнга аавынхаа хувцасыг өмсүүлдэг. Хувцасыг нь өмсүүлж байх үеэр аав миний хүү зөөлөн зөөлөн гэж хэлдэг. Хөл нь өвдчих вий гээд аль болохоор зөөлөн өмсүүлэхийг хичээдэг. Аав маань Говь-Алтай аймгийн хүн. Тэнд цэргийн ангид ажиллаж байгаад 2000 онд хотод суурьшиж ажил хийхээр ирж байсан гэж хэлж байсан. Аавын нутгийн дуучин МУГЖ Ч.Бат-Эрдэнэ тавдугаар сарын 20-нд  аавын эмчилгээний зардалд туслахаар хандивын тоглолтоо хийх гэж байна. Тоглолт МҮЭСТО-нд болно. 1,000 билетээс одоогоор 300 нь борлогдоод байна" гэв.

А.Гандүгэр группийн зээлтэй. Эхнэр С.Оюунжаргал нь ТӨК-ийн үйлчилгээний ажилтан бөгөөд цалингийн зээлтэй учраас сард гартаа 150 мянган төгрөг бэлнээр авдаг байна. Хүүхдүүдийнх нь хэлж байгаагаар энэ айл сүүлийн хоёр сар хорооноос олгодог хүнсний талоноор амь зогоож байгаа юм. 

Энэ гэр бүлийг элэг бүтэн байлгахын төлөө тусламжийн гараа сунгахыг хүсвэл 89196161 (А.Гандүгэр), 80808864 (С.Оюунжаргал) дугаар руу холбоо барих боломжтой.

Хандивын данс: Хаан банк 5064303834, Гандүгэр

x