2018 оны 5-р сарын 11-ний өдөр Монгол дахь Америкийн Худалдааны Танхим (АмЧам Монгол) Монголын Автомашин Дистрибьюторуудын Ассоциаци (МАДА), Зам тээврийн хөгжлийн яам (ЗТХЯ), Байгаль орчин, аялал жуулчлалын яамтай хамтран “Байгальд ээлтэй авто машины хэрэглээг хөгжүүлэх нь” сэдэвт семинарыг Blue Sky зочид буудалд зохион байгууллаа.
Семинарт салбарын яамд, Монголын Авто тээвэрчдийн нэгдсэн холбоо, Авто тээврийн үндэсний төв, Нийслэлийн байгаль орчны газар, Нийслэлийн агаарын бохирдол бууруулах газрын төлөөлөл, ШУТИС, Нийгмийн эрүүл мэндийн үндэсний төв (НЭМҮТ)-ийн судлаачид, АмЧамын Автомашин, механизмын хорооны гишүүн компаниуд болон МАДА-ийн гишүүд оролцлоо. Семинарын үеэр салбарын яамд болон НЭМҮТ-өөс мэдээлэл өгөх үндсэн илтгэл тавьж оролцогчдын дунд хэлэлцүүлэг өрнүүлэв.
ЗТХЯамны Авто тээврийн бодлогын хэрэгжилтийг зохицуулах газрын дарга С.Батболд семинарыг нээж хэлсэн үгэндээ
Мөн АмЧамын Автомашин, механизмын хорооны дарга, Вагнер Ази Автомотив ХХК-ийн Гүйцэтгэх захирал Гарретт Вилсон
Хамтран зохион байгуулагч МАДА-ийн Гүйцэтгэх захирал С.Баасанбаяр хүрэлцэн ирсэн зочдод талархал илэрхийлээд
АмЧам Монголын тухай
АмЧам Монгол нь АНУ-Монгол Улс хоорондын бизнесийн түншлэлийг өргөжүүлэх, бэхжүүлэх, эрх ашгийг нь хамгаалах болон Америкийн хөрөнгө оруулалтыг Монголд татах чиглэлээр ажилладаг бие даасан, гишүүддээ үйлчлэх төрийн бус байгууллага юм. АмЧам Монгол нь 3 сая гаруй гишүүдтэй дэлхийн хамгийн том бизнесийн холбоонд тооцогддог Америкийн Худалдааны Танхимын албан ѐсны салбар юм. Мөн АмЧам Монгол нь Ази Номхон далайн 29 орнуудын Америкийн худалдааны танхимуудыг нэгтгэдэг Ази Номхон далайн орнуудын Америкийн Худалдааны Танхимуудын Зөвлөл байгууллагын гишүүн юм.