Хэдхэн хоногийн дараа 35 нас хүрэх "Зааны Ясан эргийн" алдарт хөлбөмбөгч ЯаЯа Турэ энэ улирлыг дуусгаад Манчестер Сити дэхь 8 жилийн замналаа өндөрлүүлхээр болсон билээ.
Тэгвэл Манчестер Сити өнгөрсөн шөнө АПЛ-ийн нөхөн тоглолтын хүрээнд Этихад цэнгэлдэхдээ Брайтоныг хүлээн авсан бөгөөд 3-1 харьцаатай өндөрлөсөн тоглолтын онцлох эрхэм нь ЯаЯа Турэ байсан юм.
Тоглолтын дараа түүнд төрсөн ах Коло Турэ болон МанчестерСитигийн хөгжөөн дэмжигчид , багийн удирдлагууд хүндэтгэл үзүүлэн үдэн гаргаж өгсөн юм.
Тэрээр "Хотын" багийн төлөө 8 улирал тоглохдоо 315 тоглолтонд оролцож 82 гоол оруулсанаас гадна Премьер лигийн аваргын цомыг 3 удаа хүртсэн юм.