2018/05/26
Америк доллар
МОНГОЛ БАНК:
2,410.82₮
B30
УЛААНБААТАР
12°
|
B30
УЛААНБААТАР
13°
|
B32
УЛААНБААТАР
23°
|
02:00
S44
03:00
S44
04:00
S44
05:00
S44
06:00
S32
07:00
S32
08:00
S32
09:00
S44
10:00
S44
10°
11:00
S44
11°
12:00
S32
11°
13:00
S32
12°

Ерөнхий сайд Баянхонгор аймгийн Өлзийт сумын малчин Д.Бямбадоржийнд зочиллоо

ikon.mn
2018 оны 5 сарын 8
iKon.MN

Ерөнхий сайдын албан томилолт өнөөдөр Баянхонгор аймагт үргэлжилж байна. Томилолтын бүрэлдэхүүн тус аймгийн Өлзийт сумын Худаг-Уртын 4 дүгээр багийн малчин Д.Бямбадоржийнд зочиллоо.

Д.Бямбадоржийн ам бүл хоёулаа, бог, богд нийлсэн 600 гаруй малтай айл аж. Гэрийн эзэн гэргийн хамт алтны уурхайд ажиллаж байгаад долоон жилийн өмнөөс мал аж ахуйн салбарт орж малчин болсон тухайгаа Ерөнхий сайдад хуучлав. Мөн Засгийн газраас  малчдыг дэмжсэн бодлого, чиглэл барьж ажиллаж байгаад, жирийн малчин айлаар орж малчдын аж амьдралтай танилцсанд талархаж буйгаа илэрхийлж байв.

 
 
 

Монгол Улсын сайд, ЗГХЭГ-ын дарга Г.Занданшатар “Баянхонгор аймаг улсдаа ямаагаараа нэгдүгээрт, тэмээгээрээ хоёрдугаарт ордог” гэдгийг онцлов.

Өлзийт сум нь 830 орчим малчин өрхтэй, 230 гаруй мянган толгой малтай аж. “Өвлийг өнтэй давж, хавартай золголоо. Мал, төлийн хорогдолгүй явж байна. Манай сумыг зориод зогсохгүй, эгэл нэг малчин айлаар зочилж, малчдынхаа ахуй амьдралтай танилцаж байгаад Ерөнхий сайддаа талархаж байна” хэмээн сумын Засаг дарга Д.Цэдэнсодном хэлэв гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

x