2018/05/21
Америк доллар
МОНГОЛ БАНК:
2,405.65₮
B28
УЛААНБААТАР
|
B30
УЛААНБААТАР
14°
|
-3°
B34
УЛААНБААТАР
23°
|
10:00
S44
11:00
S44
12:00
S44
13:00
S44
14:00
S44
15:00
S44
16:00
S28
17:00
S28
18:00
S28
19:00
S28
20:00
S28
21:00
S28

Фэйсбүүк танилцах үйлчилгээ нэвтрүүлэх гэж байгаагаа зарлалаа

Р.Түвшин, iKon.mn
2018 оны 5 сарын 2
iKon.MN

Фэйсбүүк компанийн жил бүр зохион байгуулдаг F8 чуулган дээр өчигдөр Марк Зукербэрг танилцах үйлчилгээг нэвтрүүлэх гэж байгаагаа зарлалаа.

Тус компанийн зорилго нь хүмүүсийг илүү утга учиртай, урт хугацаанд харилцах, нөхөрлөх боломжийг нээхэд оршиж байгааг тэр тайлбарласан байна.

Саяхан хэрэглэгчийн мэдээллийг зүй бусаар ашигласан хэрэгт холбогдоод байгаа Фэйсбүүк энэ удаа анхнаас нь тун нягт нямбай ажиллаж байгааг мөн хэлжээ. Зукербэргийн мэдээллийн дараа тус компанийн бүтээгдэхүүн хариуцсан захирал Крис Кокс удахгүй зах зээлд нэвтрэх үйлчилгээнийхээ талаар дэлгэрэнгүй мэдээлэл өгсөн юм.

Танилцах үйлчилгээнд хүмүүсийн Фэйсбүүк профайлын баруун дээд буланд байгаа зүрхний хэлбэртэй товчоор нэвтрэх гэнэ.

 

 

Энд дарснаар зөвхөн бусадтай танилцахад зориулагдсан тусгай профайл руу орох гэнэ. Энд тухайн хүний өөрийн нэр (first name) ашиглагдах ба Фэйсбүүкийн найз нарт нь огт харагдахгүй. Харин танилцах үйлчилгээгээ идэвхжүүлсэн хүмүүст зөвхөн харагдах гэнэ.

 

 

Профайлын дор тухайн хүний амьдарч байгаа хотод болох үйл явдлууд (events), мөн сонирхлын группүүд харагдана. 

 

 

Эндээс аль нэг үйл явдлыг сонирхож нээвэл (unlock) мөн түүнийг сонирхож байгаа бусад танилцах профайлууд харагдах юм.

 

 

Тэднээс сонирхсон хүнээ сонгон “interested” товчийг дарснаар нөгөө хүнд нь хүсэлт очих ажээ.

 

 

Нөгөө хүн нь мөн сонирхож байвал тэдний хооронд харилцах цонх бий болох гэнэ.

 

 

Олон хүнтэй харилцахад тус тусын “inbox” үүсэх ажээ.

 

 

Уг үйлчилгээг яг хэзээ нэвтрүүлэхээ Фэйсбүүк мэдээлсэнгүй. Гэхдээ тун ойрын үед хэрэглэх боломжтой болно гэж байгаа юм.

 

Эх сурвалж: Tech Insider

 

x