Боловсрол Шинжлэх Ухааны ҮЭХ-ны дарга Ж.Батзоригоос маргааш буюу тавдугаар сарын 1-нд багш нар ажил хаях эсэхийг тодрууллаа.
- Багш нарын цалин хөлсийг нэмэхгүй бол тавдугаар сарын 1-нээс ажил хаялт зарлана гэж мэдэгдсэн. Маргааш багш нар ажил хаях уу?
- Маргааш ажил хаяхгүй. Харин жагсаал зохион байгуулна. Жагсаал 13:00 цагаас Д.Сүхбаатарын талбайд эхлэх бөгөөд Боловсрол, шинжлэх ухааны салбарын 5,000 орчим хүн оролцоно гэж тооцоолж байгаа.
- Засгийн газарт шаардлага хүргүүлсэн гэж байсан. Хариу өгсөн үү?
- Засгийн газарт таван асуудал бүхий шаардлага хүргүүлсэн. Эхний асуудал буюу “Хөдөлмөр, нийгмийн зөвшлийн гурван талт улсын хэлэлцээр”-ийг яаралтай зохион байгуулах тухайд дөрөвдүгээр сардаа багтааж хэлэлцээрийн ширээний ард сууя гэсэн ч хэлэлцээр эхлэхгүй байсаар дөрөвдүгээр сар дуусч байна.
Хоёр дахь асуудал болох 2018 оны улсын төсөвт 56.6 тэрбум төгрөг тусгаж, төсвийн байгууллагын ажилчдын бодит орлогыг нэмэгдүүлнэ” гэсэн “Хөдөлмөр, нийгмийн зөвшлийн гурван талт улсын хэлэлцээр”-ийн нэмэлтийг сургууль, цэцэрлэгийн амралт хэлэхээс өмнө хэрэгжүүлж эхлэх асуудал хэлэлцээр эхлээгүй учраас бас бүтсэнгүй.
Бидний хувьд маргааш УИХ-ын 2017 оны дөрөвдүгээр сарын 14-ний өдрийн 29 дүгээр тогтоолын 4, 5, 6 дугаар заалтуудыг хүчингүй болгохыг шаардаж жагсана" гэв.