2018/09/21
Америк доллар
МОНГОЛ БАНК:
2,515.22₮
B14
УЛААНБААТАР
|
-3°
B30
УЛААНБААТАР
|
-5°
B30
УЛААНБААТАР
12°
|
-4°
12:00
S16
13:00
S16
14:00
S26
15:00
S26
16:00
S28
17:00
S28
18:00
S44
19:00
S44
20:00
S44
21:00
S44
22:00
S44
23:00
S32
-1°
Энэ мэдээ хуучирсан буюу 2018/04/11 -нд нийтлэгдсэн мэдээ болно.

Трамп Оросыг пуужингаар сүрдүүллээ

Р.Төмөр, ikon.mn
2018 оны 4 сарын 11
iKon.MN

Саяхан АНУ-ын ерөнхийлөгч Дональд Трамп твиттер хуудсандаа Сирид пуужингийн цохилт өгөх гэж байгаагаа зарлаж, Оросын талыг хүлээж авахад бэлэн байхыг сануулжээ.

Өнгөрсөн Бямба гарагт Башар аль Ассадын арми зүүн Гута бүсийн Доума хотхонд байгаа сөрөг хүчнийхэнд химийн зэвсгийн цохилт өгсөн мэдээлэл цацагдсан юм.

Сүүлд авсан мэдээллээр энэ довтолгооны улмаас 70 орчим хүн амиа алдаж, 500 гаруй хүнд хордлогын шинж илэрсэн байна.

Энэ явдлын дараа Трамп химийн зэвсэг хэрэглэсэн явдлыг тэвчихгүй гээд Сирийн дэглэмд хатуу цохилтоор хариу барихаа амласан юм.

Тэр Ассадын армид цохилт өгөхдөө Франц, Британий холбоотнуудтайгаа хамтрана гэдгээ мэдэгдсэн. Харин өнөөдрийн мэдэгдэл нь тэд цохилтын төлөвлөгөөгөө боловсруулж дууссаныг харуулж байна.

Трамп твиттер хуудсандаа “Сири рүү харвасан ямар ч пуужинг устгана гэдгээ Оросын тал амласан. Одоо бэлдээрэй Оросуудаа! удахгүй шинэ, хүчирхэг, ухаалаг пуужин очино. Та нар хорт хийгээр хүмүүсийг алж баясдаг адгуустай түншлээд хэрэггүй байсан юм!” гэж бичжээ.

Ням гарагт АНУ-аас Сирид цохилт өгөх тухай мэдэгдэл гарсны дараа Оросын армийн хэд хэдэн өндөр албан тушаалтан Сири рүү харвасан пуужинг харваж устгахаа мэдэгдэж байв.

Хэнийх нь зэвсэг хүчтэй болохыг харах цаг ирж байна.

 

Эх сурвалж: BBC

 

x