2018/07/19
Америк доллар
МОНГОЛ БАНК:
2,461.20₮
B04
УЛААНБААТАР
26°
|
16°
B47
УЛААНБААТАР
26°
|
16°
B47
УЛААНБААТАР
19°
|
13°
21:00
S102
21°
22:00
S44
20°
23:00
S44
20°
00:00
S44
19°
01:00
S44
19°
02:00
S102
18°
03:00
S32
18°
04:00
S32
17°
05:00
S44
17°
06:00
S44
17°
07:00
S44
18°
08:00
S44
20°
Энэ мэдээ хуучирсан буюу 2018/04/11 -нд нийтлэгдсэн мэдээ болно.

МОНЦАМЭ, СИНЬХУА агентлаг 60 жилийн дараа хамтын ажиллагаагаа шинэчиллээ

ikon.mn
2018 оны 4 сарын 11
iKon.MN

Монгол Улсын Ерөнхий сайд У.Хүрэлсүхийн БНХАУ-д хийж буй албан ёсны айлчлалын хүрээнд “Монголын Үндэсний мэдээллийн МОНЦАМЭ агентлаг болон БНХАУ-ын СИНЬХУА агентлаг хооронд Хамтын ажиллагааны хэлэлцээр”-т МОНЦАМЭ агентлагийн орлогч дарга Ш.Батболд, СИНЬХУА агентлагийн орлогч дарга Лю Жөнрун нар Бээжин хотноо өчигдөр гарын үсэг зурлаа.

Шинэчилсэн хэлэлцээрт туссанаар хоёр агентлаг хятад, орос, англи хэлээрх мэдээ мэдээлэл, гэрэл зургуудыг харилцан солилцох, агентлагийн сэтгүүлч, сурвалжлагч, редактор, техникийн ажилчдын харилцан айчлал хийж, туршлага солилцох, сургалт зохион байгуулах, дадлагажуулах, хоёр улсын чухал тэмдэглэлт баяр ёслол, томоохон  үйл явдлын үеэр хамтарсан гэрэл зургийн үзэсгэлэн зохион байгуулах зэргээр хамтран ажиллахаар болж байна.

Энэ үеэр хоёр агентлагийн удирдлага цаашдын хамтын ажиллагааныхаа талаар санал солилцлоо. МОНЦАМЭ агентлагийн орлогч дарга Ш.Батболд “Манай хоёр агентлаг 1958 онд анхны хэлэлцээрээ байгуулж, гарын үсэг зурсан байдаг. 60 жилийн ойн босгон дээр Хамтын ажиллагааны хэлэлцээрийг шинэчилж байна. Хоёр орны харилцаа бүхий л салбарт шинэ түвшинд хүрч, хэвлэл мэдээллийн салбарын чиг хандлага дэлхий нийтээрээ өөрчлөгдөж байгаа нь биднийг хэлэлцээрээ шинэчлэхэд хүргэлээ гэж ойлгож байна. МОНЦАМЭ агентлаг СИНЬХУА агентлагтай хамтын ажиллагаагаа чухалчилж үздэг. Тус хэлэлцээрт туссан ажлуудыг ажил хэрэг болгохын тулд хичээж ажиллана” хэмээлээ.
 

СИНЬХУА агентлагийн орлогч дарга Лю Жөнрун, Хятад, Монгол хоёр орны харилцаанд хоёр агентлагийн хамтын ажиллагаа чухал нөлөөтэйг онцлоод, хамтын ажиллагааны Хэлэлцээр байгуулж буй нь чухал ач холбогдолтой хэмээв. Мөн хоёр агентлаг харилцан мэдээ, мэдээллийн гол эх сурвалж болж ажилладгийг тэмдэглээд, хэлэлцээрт туссан ажиллагааг амжилттай хэрэгжүүлэхэд анхаарч, МОНЦАМЭ агентлагийн зүгээс тавьсан саналыг нэг бүрчлэн судлахаа илэрхийлсэн юм.

МОНЦАМЭ болон СИНЬХУА мэдээллийн агентлаг хооронд анх 1958 онд “БНМАУ-ын МОНЦАМЭ агентлаг болон БНХАУ-ын СИНЬХУА агентлагийн хооронд мэдээ солилцох тухай хэлэлцээр” байгуулж байсан түүхтэй. Үүнээс хойш 60 жилийн хугацаанд найрсаг хамтын ажиллагааны харилцаа тасралтгүй хөгжиж ирсэн. Түүнчлэн хоёр агентлаг Улаанбаатар болон Бээжин хотод байнгын сурвалжлагч нараа харилцан томилон ажиллуулж, харилцаа хамтын ажиллагаагаа өргөжүүлэхэд тогтмол анхаарч ирсэн юм гэж МОНЦАМЭ агентлаг мэдээллээ.

x