ХУУЧИРСАН МЭДЭЭ: 2018/03/27-НД НИЙТЛЭГДСЭН
1,000 инженер хөтөлбөрт ЭЛСЭЛТ авах тов гарлаа
iKon.MN
Гэрэл зургийг mpa.mn
Монгол Улсад өндөр мэдлэг чадвар бүхий инженер технологийн мэргэжилтэн бэлтгэх, инженерийн боловсролын өрсөлдөх чадварыг дээшлүүлэх зорилгоор Монгол-Япон Улсын Засгийн газар хооронд байгуулсан гэрээ хэлэлцээрийн дагуу хэрэгжиж буй “Инженер технологийн дээд боловсрол төсөл энэ оноос бакалаврын түвшний элсэгчдээ Япон улс руу илгээж эхэлсэн.
Өөрөөр хэлбэл дөрвөн жилийн өмнө их сургуульд элсэхдээ энэхүү “1,000 инженер” хөтөлбөрт тэнцэж байсан 56 оюутан Японы их дээд сургуулиудад суралцахаар тус улсыг зорино.
УЛААНБААТАРТ
2018-2019 оны хичээлийн жилийн элсэлтийн урьдчилсан сорилын тов гараад байна. Улаанбаатар хотод 2018 оны 03 дугаар сарын 30-ны өдрөөс 04 дүгээр сарын 21-ний Бямба гараг хүртэл www.mjeed.edu.mn сайтаар бүртгэж урьдчилсан сорилыг дөрөвдүгээр сарын 21-ний /Бямба гараг/ 10 цагт ШУТИС-ийн хичээлийн II байранд зохион байгуулна.
ОРОН НУТАГТ
Орон нутагт тухайн аймгийн Боловсрол, соёл урлагийн газарт 2018 оны 04 дүгээр сарын 01-ний өдрөөс 04 дүгээр сарын 20-ны өдрийн 18 цаг хүртэл бүртгэж, нэгтгэсэн мэдээллийг Төсөл хэрэгжүүлэх нэгжид файлаар хүргүүлнэ. Урьдчилсан сорилыг 04 дүгээр сарын 28-ны өдрийн /Бямба гараг/ 10:00 цагт бүх аймгуудад нэгэн зэрэг зохион байгуулна. Ирээдүйд инженер болох сонирхолтой төгсөх ангийн сурагч бүр оролцох боломжтой учраас “1,000 инженер” төслийн албан ёсны сайтаар зочилж дэлгэрэнгүй мэдээлэл авч, урьдчилсан сорилд өргөнөөр оролцохыг урьж байна.
Эх сурвалж: БСШУСЯ
