Э.Болорчулуун: Хуурамч захирамжаар газар эзэмших гэрчилгээ гарган залилан хийж байна
Газар өмчлөлтэй холбоотой асуудлаар Нийслэлийн Газрын Албанаас шуурхай мэдээлэл хийж байна.
ШУУД ҮЗЭХ:
Нийслэлийн газрын албаны дарга Э.Болорчулуун "НЗД 2016 оны сүүлээс орон сууцны хороололд шинээр газар эзэмших эрх олгохгүй гэсэн захирамж гаргасан.
Гэтэл 2017 оны хуурамч захирамжаар залилангийн гэмт хэрэг хийж байна.
Иргэд хохирсноос болж цагдаагийн газарт гомдол гаргасан. Эрүүгийн цагдаа дээр шалгагдаж байна" гэв.
Хуурамч бичиг баримт үйлдэж залилан хийсэн гэмт хэргийн талаар сэрэмжлүүлэг:
2018 оны гуравдугаар сарын 01-ний Пүрэв гаригт Нийслэлийн Газрын албаны холбогдох албан хаагчид ажил үүргээ гүйцэтгэж байх явццаа хуурамчаар үйлдсэн бичиг баримтыг анхлан мэдэж, арга хэмжээ авахаар ажиллаж эхэлсэн.
Эрүүгийн Цагдаагийн албаны Эдийн засгийн гэмт хэрэгтэй тэмцэх газраас гэрчилгээг хуурамчаар үйлдэж залилан хийсэн гэх эл хэрэгт мөрдөн шалгах ажиллагаа явуулж байна. Тус албанаас мөрдөн шалгах ажиллагаатай холбогдуулан шаардлагатай мэдээлэл, материалыг гарган өгсөн.
Хуурамчаар үйлдсэн гэрчилгээнүүдийн үндэслэл болсон Нийслэлийн Засаг даргын захирамжууд ор үндэсгүй, тийм захирамж байхгүй бөгөөд 2017 оны А/94 дүгээр захирамж нь үйл ажиллагаа зохион байгуулах үүрэг бүхий "Ажлын хэсэг"-ийн бүрэлдэхүүнийг баталсан, 2017 оны А/156 дугаар захирамж нь "Гадаад томилолтын тухай" захирамжууд байгаа юм. Үндсэндээ газар эзэмших эрхийн гэрчилгээ түүнтэй холбоотой бүх бичиг баримтыг хуурамчаар үйлдсэн нь тодорхой байна. Иймд хууль хяналтын зохих байгууллагаас уг асуудлыг шалгаж тодорхой болгохоор ажиллаж байна.
