2018/06/20
Америк доллар
МОНГОЛ БАНК:
2,426.54₮
B30
УЛААНБААТАР
29°
|
13°
B28
УЛААНБААТАР
23°
|
16°
B30
УЛААНБААТАР
27°
|
14°
03:00
S32
12°
04:00
S32
11°
05:00
S44
11°
06:00
S44
12°
07:00
S44
16°
08:00
S44
19°
09:00
S44
21°
10:00
S44
24°
11:00
S44
26°
12:00
S44
27°
13:00
S44
28°
14:00
S44
29°
Энэ мэдээ хуучирсан буюу 2018/03/11 -нд нийтлэгдсэн мэдээ болно.

Владимир Путин: АНУ-ын сонгуульд Оросууд биш, Украин, Татар, Жүүдүүд нөлөөлөхийг оролдсон байх

Р.Төмөр, ikon.mn
2018 оны 3 сарын 11
iKon.MN

Энэ сарын эхээр АНУ-ын NBC сувгийн сэтгүүлч Мэгин Кэлли ОХУ-ын ерөнхийлөгч Владимир Путинтай дэлгэрэнгүй ярилцлага хийсэн юм. Өчигдөр буюу Бямба гарагт ярилцлагын бүрэн тэмдэглэлийг Кремлийн захиргаа олон нийтэд ил болгожээ.

Ярианы нэг гол сэдэв нь 2016 оны АНУ-ын ерөнхийлөгчийн сонгуулийн үр дүнд нөлөөлөх ажиллагаанд Оросын иргэд оролцсон гэх хэргийн тухай байлаа.

Саяхан Америкийн Нэгдсэн Улсын тусгай прокурор Роберт Мюллер ОХУ-ын 13 иргэнийг энэ хэрэгт холбогдуулан ялласан юм. Эгдээр 13 хүний тухай Кэллиг асуухад Путин “Тэд манай засгийн газрыг төлөөлөхгүй тул надад хамаагүй. Тэд Орос хүмүүс биш, ОХУ-ын иргэншилтэй Украин, Татар, Жүүд хүмүүс ч байж магадгүй. Шалгах хэрэгтэй. Давхар иргэншилтэй, эсвэл ногоон карттай хүмүүс байж болох юм. Америкчууд тэдэнд мөнгө төлж хийлгэсэн байж болно” хэмээн ярьжээ.

Тэрээр өөрийн засгийн газрыг АНУ-ын ерөнхийлөгчийн сонгуулийн үр дүнд нөлөөлөх гэж оролдсон гэх сэжгийг удаа дараа няцааж байгаа. Америкийн улс төрийн систем, дотоод тэмцэл, нийгмийн эмх замбараагүй байдал, хуваагдал нь 2016 оны сонгуулийн үр дүнд хүргэсэн гэж тэр ярилцлагын үеэр тайлбарласан байна.

Путин “Танай парламент, конгресс Оросыг дайснаараа зарлаж хориг тавьсан. Одоогийн ерөнхийлөгч тань үүнийг цуцлах хүсэлтэй байгаа гэдэгт би итгэлтэй байна. Гэвч тодорхой хүчнүүд түүнд ингэх боломж өгөхгүй байна” гэж Дональд Трампын тухай хэлжээ.

 

Эх сурвалж: Quartz

 

x