Ахлах сургуулийн сурагчдад зориулсан "Олон Улсын Шүүхийн Загвар Тэмцээн" 2018 оны нэгдүгээр сарын 22-26-ны өдрүүдэд Нидерланд улсын энх тайвны гэх тодотголтой Гааг хотод зохион байгуулагдлаа.
Олон Улсын Эрүүгийн Шүүхийг загварчилсан энэхүү тэмцээнд АНУ, ОХУ, ХБНГУ, Шотланд зэрэг 12 өөр улс орны 16 баг эрх зүйн мэдлэг ба илтгэх урлагийн чадвараа хослуулан сорьсон аж.
Монгол Улсаа төлөөлөн оролцсон сурагчид 8 дугаар байрыг эзэлж, Н.Баярмаа багийн шилдэг илтгэгчээр тодорсон байна. Манай сурагчид англи хэлтэй улсуудын багтай өрсөлдсөн хэдий ч ийнхүү өндөр амжилт гаргажээ.