ХОЁРДУГААР САРЫН 12: Хөндлөнгийн ажиглагчийн үүрэг
-Жүжигчний болон үзэгчдийн харж чадаагүйг хөндлөнгийн ажиглагч олж хардаг-
Хөндлөнгийн ажиглагчдад өөрийн гэсэн түүх байхгүй. Тэд тайзан дээр байдаг ч үйл ажиллагаанд оролцдоггүй. Тэд үзэгчид ч биш. Жүжиг болон жүжигчний хувь тавилан үзэгчдээс шалтгаалдаг бол хөндлөнгийн ажиглагч өөрөөсөө өөр хэнд ч нөлөөлж чадахгүй.
Гэсэн ч гал сөнөөгч хүн театрын хажуугийн жигүүрт зогсож байдаг шиг хөндлөнгийн гэрч тэнд байснаар жүжигчний болон үзэгчдийн харж чадаагүйг олж хардаг. Хамгийн чухал нь тэр юмыг үзэгчид болон жүжигчдээс өөр өнцгөөс хардаг юм.
Хөндлөнгийн ажиглагч бүхнийг ойлгодог бөгөөд, тэдний ойлголт нь гэрлийн хугарлыг бий болгодог байдлаараа толиноос илүү призмтэй төстэй. Өөрөө харж, өөрөө бодож тунгаах нь магтууштай зүйл.
Гэвч этгээд сонин үйл байшингийн дээвэр дээрээс харчихаад хашхирч хүмүүсийг цочоох нь магтууштай зүйл биш. Бусдын саналыг хүн хүлээн авахдаа сайн байдаг хэдий ч үүнийг би өөрөө барагтаа л бол дагадаггүй.
ГҮЙЦЭТГЭХ ЗҮЙЛ: Байгууллагад тань юуг хэрэгжүүлэх хэрэгтэйг ойлгохын тулд хөндлөнгийн гэрчийн нүдээр харж эхлээрэй. Гэхдээ та хүмүүсийг цочоох эрсдэлтэй гэдгийг бүү март.
XX зууны менежментийн нөлөө бүхий эрдэмтэн, онолч Питэр Ф.Дракерын зөв зүйлийг хийх урам зориг, шинэ санаа өгөх 366 өдрийн хичээл буюу "Өдөр бүр Дракертай хамт" номыг iKon.mn зохиогчийн эрхийн зөвшөөрлийн дагуу гурван сарын турш цуврал болгон уншигч танд хүргэхээр бэлдлээ.
