Ч.Хүрэлбаатар: Монгол Улсын Засгийн газар "Панда" бонд гаргах гэж байгаа нь үндэслэлгүй мэдээлэл
Монгол Улсын Засгийн газар дахин бонд гаргах гэж байна. Ингэхдээ "Панда" нэртэй бонд гаргана хэмээн зарим хэвлэл мэдээллийн байгууллага мэдээлээд байгаа билээ.
Тэгвэл энэ талаар Сангийн сайд Ч.Хүрэлбаатар твиттер дэх албан ёсны хаягаараа "Засгийн газар панда бонд гаргах гэж байгаа гэсэн мэдээлэл үндэслэлгүй" гэж мэдэгджээ.
Bloomberg-ийн тарааж байгаа Засгийн газар панда бонд гаргах гэж байгаа мэдээлэл огт үндэслэлгүй болохыг мэдэгдэж байна. Bloomberg-ийг худлаа мэдээллээ залруулахыг албан ёсоор шаардаж байна. Элчин сайдын яамдуудаас хүртэл залгаад асуугаад байх юм.
— Khurelbaatar Chimed (@KhurelbaatarCh) February 7, 2018
Монгол Улсын Засгийн газар хамгийн сүүлд 800 сая ам.долларын "Гэрэгэ" нэртэй бондыг гаргаад байгаа билээ. Засгийн газар дахин бонд гаргах эсэх талаар Сангийн сайд Ч.Хүрэлбаатараас тодруулахад бонд гаргах төлөвлөгөө одоогоор байхгүй гэлээ.
