Тоттенхэм шинэ "цэргээ" элсүүллээ

Английн Тоттенхэм клуб Францын ПСЖ-ээс Лукас Моураг 25 сая фунтээр багтаа элсүүлэхээр болжээ. Бразил эр өмнө нь Арсенал болон Манчестер Юнайтед клубуудтэй нэр холбогдоод байсан ч эцэст нь Тоттенхэмийг сонгосон байна.

Өдгөө 25 настай Лукас Моура 2013 онд Сан-Паулугаас 33.5 сая фунтээр ПСЖ-д ирж байсан бөгөөд Францад газардсанаас хойш нийслэлийн багийн төлөө 229 тоглолтод оролцож 46 гоол, 50 гаруй гоолын дамжуулалтыг нэр дээрээ бүртгүүлж байлаа.

Харин энэ улиралд ердөө зургаан удаа сэлгээгээр талбайд гарч тоглосон юм. 

Тэрбээр шигшээ багийнхаа төлөө 35 тоглолтод оролцсон бөгөөд 2012 оны олимпийн наадмын мөнгөн медалийг хүртэж байсан удаатай.