2018/05/25
Америк доллар
МОНГОЛ БАНК:
2,411.51₮
B30
УЛААНБААТАР
25°
|
13°
B30
УЛААНБААТАР
12°
|
B30
УЛААНБААТАР
13°
|
17:00
S44
20°
18:00
S44
18°
19:00
S28
17°
20:00
S28
15°
21:00
S28
12°
22:00
S28
11°
23:00
S28
10°
00:00
S28
01:00
S28
02:00
S44
03:00
S44
04:00
S32
Энэ мэдээ хуучирсан буюу 2018/01/26 -нд нийтлэгдсэн мэдээ болно.

Г.Номуун: Эрх дураараа, зоригтой Жульеттаг бүтээнэ

Ч.Гантулга
2018 оны 1 сарын 26
Зууны мэдээ
Гэрэл зургийг mpa.mn

Мөнхийн сэдэв хайр сэтгэлийн бэлэг тэмдэг болсон “Ромео, Жульетта ” жүжиг маргааш үзэгчдийн хүртээл болно. Монголын дөрөв дэх Жульеттагаар УДЭТ-ын залуу жүжигчин Г.Номуун сонгогдсон юм. Түүнтэй ярилцсанаа хүргэе.

-Монголын үзэсгэлэн гоо дөрөв дэх Жульетта болсонд баяр хүргэе. Таны хувьд анх жүжигчин О.Дөлгөөний хамт Жульеттад сонгогдсон байх аа?

-Баярлалаа. Манай театр анх “Ромео Жульетта” жүжгийг тавих болж найруулагч маань хоёр баг сонгоно гэдгээ мэдэгдсэн. Нээлтийн тоглолтод О.Дөлгөөн, Б.Шинэбаяр хоёр тоглохоор болсон. Харин хоёр дахь багийг бүрдүүлэхийн тулд жүжигчдийн дунд сонгон шалгаруулалт зарласан юм. Энэ сонгон шалгаруулалтыг давснаар Жульеттад тоглох эрхтэй болсон.

-Хамгийн анх Жульеттагийн дүрээр Эрдэнэт хотын тайзан дээр гарсан санагдаж байна?

-Хамгийн эхний тоглолтоо Эрдэнэт хотод хийсэн. Жүжигтээ тоглоод, тайзан дээр гарах бүртээ сайхан мэдрэмжийг авч байна. Маргаашийн тоглолт ч гайхалтай болно гэдэгт эргэлзэхгүй байна.

-Жульеттагаар тайзан дээр гарахад яг юу мэдэрдэг вэ?

-Жүжигчний мэргэжлээр сурдаг оюутнууд болон мэргэжлийн жүжигчдийн мөрөөдлийн дүр нь Жульетта. Энэ дүрд тоглох болсон минь том аз завшаан гэж боддог. Жульеттад хувираад тайзан дээр гарах бүртээ хамгийн дээд аз жаргалыг мэдэрдэг. Гэнэн цагаан, цайлган, ямар ч хир буртаггүй, ариун хайрын бэлгэдэл болсон дүрээр үзэгчидтэйгээ уулзах нь миний хувьд нэр төрийн хэрэг.

-Монголын анхны Жульетта бол жүжигчин И.Одончимэг. Түүнтэй уулзаж, дүрийнхээ талаар ярилцаж байв уу?

-Би өөрийгөө их азтай гэж боддог. Учир нь ээж минь энэ театрт эмэгтэй хувцасны эрхлэгч хийдэг.

Тиймээс миний бага нас театртай салшгүй холбоотой. “Ромео, Жульетта” жүжгийг анх тавихад би жаахан байсан мөртлөө өдөр бүр алгасалгүй үздэг байсан. Тухайн үед юу ойлгодог байсан юм бол бүү мэд. Жүжиг дуусахад уйлчихсан байдаг байж билээ. Одоо ч тухайн үед тоглож байсан гавьяат жүжигчин И.Одончимэг, О.Гэрэлсүх болон Г.Урнаа, Г.Алтанбагана гэсэн мундаг жүжигчин ах, эгч нарын царай, хэлж байсан үг хүртэл чихэнд сонсогдох шиг болдог.

-Жаахан байхдаа өнөөдрийнх шиг өөрийгөө Жульеттагаар төсөөлдөг байв уу?

-Дэлхийн бүх хүн энэ алдарт зохиолыг мэддэг. Өөрөө сонгодог бүтээл учир даацтай. Театрын анхны мэдэгдэхүүнгүй хүн ч хайр сэтгэлийнхээ төлөө үхдэг хосын тухай жүжиг гэхээр өө тийм “Ромео, Жульетта” гэх жишээтэй. Миний хувьд бага наснаасаа л энэ бүтээлийг үзэж өссөн гэхээр төсөөлөл байсан. Дунд сургуульд байхдаа зохиолыг нь анх уншсан. Харин оюутан байхад манай анги энэ жүжгийг монголчилж, курсийн ажил хийхэд би Жульеттад анх сонгогдож байлаа.

-Тэгэхээр театрт өнгөрөөсөн бага нас тань жүжигчин болох хүслийн тань эхлэлийг тавьжээ?

-Манайх их олуулаа байсан. Яагаад ч юм би л ээжийгээ дагаж театр дээр байнга ирнэ. Нэг тоглолтыг хэдэн удаа давтаж үзсэн ч уйддаггүй байсан. Уран бүтээлчдийг харж, драмын урлагт дурласнаар жүжигчин болохоор шийдсэн дээ.

-Ромеотой нэг анги гэсэн үү?

-Ромеод тоглож байгаа Шинээ бид хоёр СУИС-ийн нэг анги. Мэргэжлийн хичээлээ гавьяат жүжигчин Л.Дэмидбаатар багшаар заалгасан. Анх театрын жүжигчин болохоор шалгалт өгөхдөө ч хамт ирж байлаа. Миний хувьд СУИС-ийг төгсөөд “Эмоци” продакшинд ажиллаж, уран бүтээлийн гараагаа эхэлсэн. Ажиллаж байхдаа театрт шалгалт өгөөд орсон. Хоёр жил дагалдан жүжигчнээр ажиллаад үндсэн жүжигчин болсон.

-Жульетта таны сонгодог бүтээлийн анхны гол дүр бил үү?

-Театрт орсноос хойш том хэмжээний бүтээлүүдийн гол болон туслах дүрд ажилласаар ирсэн. “Үнсгэлжин” жүжгийн Үнсгэлжин, “ Норовын намтар” жүжгийн Жимсээ, “Т энгэрийн хүү” жүжгийн Шива гээд жүжгүүдэд ажилласан байна. Харин яг сонгон шалгаруулалтад тэнцээд авч буй сонгодог бүтээлийн гол дүр минь “Ромео, Жульетта” жүжиг болж байна. Мөн их зохиолч Д.Нацагдоржийн амьдралаар бүтсэн “Жаргаагүй нар” жүжгийн Пагмадуламын дүрд найруулагч намайг сонгосон.

-Дүрийн сонгон шалгаруулалт ямар зарчмаар явсан. Таны хувьд ямар хэсгийг тоглож байв?

-Намайг шалгаруулалтад ороход театрынхнаас гадна гаднаас жүжигчид ирж шалгаруулалтад оролцож байсан. Миний хувьд найруулагчийн зааврын дагуу жүжгийн хамгийн гол хэсэг болох тагтны хэсгийг тоглосон.

-Өмнөх гурван бүсгүй өөр, өөрийн Жульеттаг бүтээсэн байдаг. Г.Номууны хувьд дүрийнхээ ямар онцлогийг илүү гаргах бол?

-Жульетта гэхээр хүн бүхэн даруухан, зөөлөн бүсгүй гэж боддог. Мэдээж хүн юм чинь хүнээс гардаг бүх араншин түүнд бий. Миний хувьд эрх дураараа. өөрийнхөөрөө, зоригтой Жульеттаг бүтээнэ. Гэхдээ гэнэн хонгор, энхрий ялдамхан, уян зөөлөн чанарыг нь орхихгүй.

-Таны хувь хүнд чинь Жульеттатай төстэй зан чанар хэр байгаа бол?

-Бага ч болов адилхан чанар байна гэж хараад найруулагч сонгосон байх. Миний хувьд амьдрал дээр тийм хатуу хүн биш. Жаахан зөөлдчих гээд байдаг тал бий. Энэ чанар дүртэй минь нийцсэн байж магадгүй. Мөн ажил дээр ч бай амьдралд ч бай бүх зүйлд. тууштай, чин сэтгэлээсээ хандахыг хүсдэг.

-Нэгэнт л агуу хайрын тухай ярилцаж байгаа юм чинь ханьтайгаа хэрхэн танилцсан тухайгаа яриач. Та хоёрын хувьд адилхан театрын жүжигчин шүү дээ?

-Оюутан байхаасаа л бие биеэ таньдаг байсан. Хань маань надаас хоёр ангиар дээд курс. Тухайн үед нэг сургуулийн оюутнууд, мэндийн зөрөөтэй л явдаг байлаа. Би оюутан байхдаа “ Босго тотго” киноны гол дүрд тоглосон юм. Манай хүн бас тэр кинонд тоглож таарсан. Бид хоёр зураг авалтаар натурт явж ирснээс хойш арай илүү, дотно танилцсан.

-Ханьтайгаа Ромео, Жульетта болоод тоглох сон гэсэн хүсэл төрдөг үү?

-Хүсэлгүй яахав. Гэхдээ найруулагчийн нүд, сонголт гэж чухал зүйл байна. Манай хүн миний ах Тебалтад тоглож байгаа. Хэдийгээр тайзан дээр Ромео, Жульетта болж чадаагүй ч амьдрал дээр би өөрийнхөө жинхэнэ Ромеог олсон гэж боддог. Хоёулаа театрт ажиллаж байгаагийн хэрэг юу билээ. Бие биедээ зөвлөнө, ойлгоно, тусална гээд давуу тал ихтэй.

-Үүнийг дагаад ар гэр орхигдох сул тал ажиглагддаг. Та хоёрын хувьд хэрхэн зохицуулж байна?

-Үр хүүхэд, ар гэр орхигдох нь бий. Гэхдээ баттай ар тал болсон хоёр талын аав, ээж, ах эгчийнхээ хүчинд сэтгэл амар ажлаа хийж байна. Бид хоёрын хувьд театрын залуу гэр бүлийн төлөөлөл гэсэн эрхэм хүндлэлтэй. Тиймээс залуучууддаа үлгэр дууриал болохыг хичээж явна. Итгэл хүлээлгэсэн хүмүүсийн итгэлийг алдалгүйгээр хариуцлагатай байж, ажлаа цалгардуулахгүй, байхсан гэж боддог.

-Танд бүтээх сэн гэж хүсдэг мөрөөдлийн дүр гэж бий юу. Эсвэл Жульеттагаар тэр мөрөөдлөө биелүүлчихсэн үү?

-Мөрөөдлийн минь нэг дүр яахын аргагүй Жульетта байсан. Мөн монгол цустай, монгол хүн болж төрснийх монгол хатны дүрд тоглохыг хүсдэг. Үүнээс гадна манай театрын уран бүтээлчид Э.Оюун гуайн бичсэн зохиолоос сэдэвлэсэн “Би эндээс явахгүй” гээд шинэхэн уран бүтээлийн ажилдаа орчхоод байна. Энэ үнэхээр сайхан бүтээл болно. Ялангуяа, дунд насны гэр бүлүүд хамтдаа ирж үзээсэй гэж хүсэж байна.

x